Հավով և սնկով ջեռեփուկ. Ճաշին մատուցվող համեղ ուտեստ

Հավով և սնկով ջեռեփուկ ՏԱՔ ՈՒՏԵՍՏՆԵՐ

Հավով և սնկով ջեռեփուկ. Ճաշին մատուցվող համեղ ուտեստ

Եթե ​​ինչ-որ մեկը հարցնի ինձ, թե որքան ջեռեփուկ պատրաստելու և կարկանդակի բաղադրատոմսեր գիտեմ, կզարմանա, քանի որ այդ թիվը շատ մեծ է:

Այս ուտեստներն այդչափ տարածված են երկու հիմնական պատճառով. Դրանք արագ են պատրաստվում և շատ թանկ մթերքներ չեն պահանջում:

Իհարկե, կան բազմաթիվ տարբերակներ, բայց իմ սիրածը միշտ կլինի կարտոֆիլով ջեռեփուկը հավով և սնկով: Ստացվում է աներևակայելի հագեցնող, բուրավետ և հյութեղ ուտեստ, և այն հարմար է ամբողջ ընտանիքին կերակրելու համար:

Հավով և սնկով ջեռեփուկ

Հավով և սնկով ջեռեփուկ. Անհրաժեշտ բաղադրիչները

  • Հավի փափկամիս 400 գ
  • Շամպինիոն 12 հատ
  • Կարտոֆիլ 6 հատ
  • Սոխ 1 հատ
  • Սերուցք 300 մլ
  • Կաթ 100 մլ
  • Ցորենի ալյուր 2 ճաշի գդալ
  • Թթվասեր 2 ճաշի գդալ
  • Կոշտ պանիր 150 գ
  • Աղ՝ ըստ ճաշակի
  • Սև պղպեղ (աղացած)` ըստ ճաշակի

Հավով և սնկով ջեռեփուկ

Հավով և սնկով ջեռեփուկ

Հավով և սնկով ջեռեփուկ. Պատրաստման եղանակը

  1. Կտրել սոխը և շամպինիոնը կես օղակներով, փափկամիսը խորանարդներով, կարտոֆիլը՝ բարակ շերտերով:
  2. Տաքացնել յուղը խորը թավայի մեջ և սկզբում տապակել սունկը: Հյութը դուրս տալուց հետո ավելացնել սոխը, իսկ, երբ այն թափանցիկ դառնա, ավելացնել կարտոֆիլը:
  3. Տապակել ամեն ինչ մոտ 10-15 րոպե, մինչև բաղադրիչները ոսկե դարչնագույն դառնան: Աղ ավելացնել և լավ խառնել նախքան կրակն անջատելը:
  4. Առանձին թավայի մեջ տապակել մանր կտրատած հավի միսը, աղ և պղպեղ անելով: Պատրաստի բաղադրիչները լցնել ջեռեփուկի կաղապարի մեջ:
  5. Կաթսայի մեջ խառնել ալյուրը, թթվասերը, սերուցքն ու կաթը: Եռացնել ցածր կրակի վրա և եփել, անընդհատ խառնելով, մոտ 3 րոպե:
  6. Սոուսը լցնել ջեռեփուկի բաղադրիչների վրա, վրան ցանել քերած պանիր ​​և թխել 200 °C տաքացրած ջեռոցում 30-40 րոպե:

Հավով և սնկով ջեռեփուկ

Հավով և սնկով ջեռեփուկ

Մատուցել ջեռեփուկը մի փոքր հովացած, բայց ոչ սառը: Ցանկության դեպքում հավի միսը կարելի է փոխարինել ցանկացած այլ մսով կամ ընդհանրապես չավելացնել ուտեստին: Բացի այդ, աղից և պղպեղից բացի, սոուսին կարող եք ավելացնել պրովանսյան համեմունքներ, ռեհան կամ սուսամբար. Դրանք կերակրատեսակին յուրահատուկ համ կհաղորդեն:

Հավով և սնկով ջեռեփուկը պատրաստ է:

Բարի ախորժակ:

Տեսանյութ

Հավի կրծքամսով տապակա

Խնդրում ենք Գնահատեք