Հավ Պիկասո. Համեղ, գունեղ, հրաշալի տեսքով ուտեստ
Այս գունեղ հավի ուտեստը ստացել է իր անվանումը պատրաստման ընթացքում օգտագործվող գունավոր բանջարեղենից:
Իհարկե, մենք Պիկասոն չենք, բայց վստահ եմ, որ հաճույքով կպատրաստեք այս ուտեստը և կարծում եմ, որ բանջարեղենով թխած, շքեղ համով հավը արժանի է տոնական սեղան զարդարելուն:
Հավ Պիկասո. Անհրաժեշտ բաղադրիչները
- Հավի կրծքամիս 4 հատ
- Սոխ 2 հատ
- Քաղցր պղպեղ 3 հատ
- Սխտոր 3 պճեղ
- Լոլիկ 4 հատ
- Բանջարեղենային արգանակի խորանարդ 1 հատ
- Պանիր 100 գ
- Իտալական համեմունքներ 1 ճաշի գդալ
- Ջուր 1/2 բաժակ
- Սերուցք 1/2 բաժակ
- Ձիթապտղի յուղ 2 ճաշի գդալ
- Մշկընկույզ
- Աղ `ըստ ճաշակի
- Կարագ 1 ճաշի գդալ
- Աղացած սև պղպեղ՝ ըստ ճաշակի
Հավ Պիկասո. Պատրաստման եղանակը
- Կտրել բուլղարական պղպեղը օղակներով (ավելի լավ է ընտրել երեք տարբեր գույներ, այդպես ավելի գունագեղ է թվում), սերմերը հեռացնելուց հետո: Կտրել սոխը կես օղակներով, սխտորը մանր քերել:
- Հավի կրծքամսին աղ ու պղպեղ անել: 2 ճաշի գդալ ձիթապտղի և 1 ճաշի գդալ կարագի խառնուրդում տապակել կրծքամիսը մինչև ոսկե դարչնագույն: Տեղափոխել ջեռոցի տապակի մեջ:
- Նույն թավայի մեջ սոխը տապակել մինչև ոսկե դարչնագույնը, լցնել հավի մսի վրա:
- Բուլղարական պղպեղը թեթև տապակել, մինչև որ դրանք փափկեն, և նույնպես լցնել հավի մսի վրա:
- Քերած սխտորը դնել տապակի մեջ, եփել 30 վայրկյան, ապա ավելացնել ջուր, ավելացնել կտրատած լոլիկ (նախապես կեղևը կարելի է հեռացնել), լավ խառնել: Ավելացնել իտալական համեմունքներ, բանջարեղենի արգանակի խորանարդիկը, աղ, պղպեղ, մի պտղունց մշկընկույզ: Լցնել կես բաժակ սերուցք, խառնել:
- Սոուսը եփել 5 րոպե ցածր կրակի վրա: Դրանով ծածկել տապակի մեջ հանվ ու բանջարեղենը: Ծածկել փայլաթիթեղով, դնել ջեռոցում 200 աստիճանով՝ 30 րոպե:
- Տապակը հանել ջեռոցից վրան ցանել քերած պանիր, հավը կրկին դնել ջեռոցը, բայց առանց փայլաթիթեղի, ևս 15 րոպե, մինչև պանիրը հալվի:
Հավ Պիկասո. Համեղ, գունեղ, հրաշալի տեսքով ուտեստը պատրաստ է:
Բարի ախորժակ
Տեսանյութ
