Հացը Շամփուրի վրա. Նման բան հաստատ չեք փորձել, առաջարկում ենք պատրաստել
Քաղաքից դուրս խնջույքների համար բազմաթիվ քաբաբի ու խորովածի բաղադրատոմսեր կան, կարելի է պատրաստել տարատեսակ նախուտեստներ: Խնջույքի գաղափարների հետ կապված խնդիրներ, գրեթե երբեք չեն ծագում:
Բայց հացի հարցը մի փոքր այլ է: Սովորաբար մենք վերցնում ենք կամ սովորական բոքոն, կամ լավաշ: Բայց կա մի յուրահատուկ գաղափար. Կարելի է տանը խմորը պատրաստել, ապա այն ուղղակի կրակի վրա թխել, ստանալով անուշաբույր տնական հաց մաքուր օդում վայելելու համար:
Նման հաց պատրաստելու հարցում ոչ մի բարդ բան չկա: ինքներդ կհամոզվեք: Դե, իսկ եթե քաղաքից դուրս չեք գալու, բայց հետաքրքրեց` կարող եք այս հացիկները թխել ջեռոցում:
Նախքան խմորը փաթաթելը, պետք է փայտե շամփուրները դնել ջրի մեջ: Այդպիսով դրանք չեն վառվի ջեռոցում:
Հացը Շամփուրի վրա. Բաղադրիչները
- Ցորենի ալյուր 400 գ
- Ջուր 250 մլ
- Շաքարավազ 1 գդալ
- Խմորիչ 7 գ
- Պրովանսյան համեմունքներ 1 թեյի գդալ
- Արևածաղկի ձեթ 3 ճաշի գդալ
- Աղ 1 թեյի գդալ
- Ձվի դեղնուց 1 հատ
- Կաթ 50 մլ
Հացը Շամփուրի վրա. Պատրաստման եղանակը
- Խառնել ալյուրը, ջուրը, խմորիչը և շաքարը, թողնել մնա 10 րոպե:
- Ավելացնել համեմունքները, բուսական յուղ և աղ, հունցել խմորը: Թողնել այսպես 40-60 րոպե սննդային թաղանթով ծածկված, որպեսզի հասունանա:
- Խմորը լավ տրորել, ապա բաժանել 6 մասի: Յուրաքանչյուր մասից ձևավորել պարանիկներ և թող 10 րոպե մնան:
- Արդեն հասած խմորի յուրաքանչյուր շերտ փաթաթել շամփուրի վրա: Շարել դրանք յուղաթղթով ծածկված ջեռոցի տապակի եզրերին: Թողեք ևս 10 րոպե մնա:
- Ձվի դեղնուցը խառնել կաթի հետ, քսել խմորի վրա: Թխել հացը մոտ 30 րոպե 180-200 ° C ջերմաստիճանում:
Խմորի հետ աշխատելիս կնկատեք, որ այն կպչում է ձեռքերին: Բայց մի՛ ավելացրեք ալյուր, որ հացը ստացվի փարթամ և եթերային: Ավելի լավ է ձեռքերին քսել մի քիչ բուսական յուղով:
Մի խորհուրդ էլ` մեկ շամփուրը կարող է չդիմանալ խմորի ծանրությանը, այնպես, որ լավ կլինի, եթե մի շերտ խմորը փաթաթեք 2-3 իրար կպցրած շամփուրիկների վրա:
Բավական է մի քանի րոպե այս հացը պահել կրակի վրա և խորովածի ծխով հագեցած փխրուն հաց կվայելեք:
Բարի ախորժակ:
