Երեխայի պես ուրախանում եմ, երբ տեսնում եմ, թե ինչպես է ամուսինս հաճույքքով ուտում Հյութալի կողիկներ կարտոֆիլով: Դրանք իսկապես կատարյալ են ստացվում՝ փափուկ, չափավոր կծու, բուրավետ: Եվ այս բաղադրատոմսի համար ինձ պետք է սովորական ապակե բանկա։
Շնորհիվ այն բանի, որ միսն ու սոխը բավականաչափ սերտորեն սեղմվում են իրար, ամեն ինչ շատ նուրբ է ստացվում։ Յուրաքանչյուր կողոսկր կարծես պարուրվում է անընդհատ շրջանառվող տաք օդով, ինչն էլ ուտեստը դարձնում է հատկապես հյութալի։
Կոնկրետ ես սիրում եմ այս կողիկներն առանց հավելումների։ Բայց երբ ընկերություն է հավաքվում սեղանի շուրջ, ես հյուրերին առաջարկում եմ խորովածի սոուսի կամ թթվասերով մանանեխի սոուսի ընտրություն: Առաջին տարբերակն ավելի քաղցր է դարձնում ուտեստը, երկրորդը՝ ավելի կծու։ Նրանց համար, ովքեր ավելի կծու են սիրում, սեղանին դնում եմ չիլի սոուս։
Հյութալի կողիկներ կարտոֆիլով. Անհրաժեշտ բաղադրիչներ
_Խոզի կողիկներ 800 գ
_Սոխ 1 հատ
_Աղ՝ ըստ ճաշակի
_Համեմունք մսի համար՝ ըստ ճաշակի
_Սև պղպեղ (աղացած)՝ ըստ ճաշակի
_Կարտոֆիլ 5 հատ
_Կարագ 30 գ
Հյութալի կողիկներ կարտոֆիլով. Պատրաստման եղանակը
_Սկզբի համար, սոխը ձեռքերով տրորել, որպեսզի ամբողջ հյութը դուրս գա։ Մի կողմ դրեք։
_Մաքրեք կողոսկրերը ավելորդ մասերից և թաղանթներից, կտրել մասերի:
_Սոխի վրա լցնել միսը, աղը, պղպեղը և ձեր սիրած համեմունքները, մանրակրկիտ խառնել։
_Պատրաստեք 1 լիտրանոց տարա և մեջը լցրեք ամանի պարունակությունը։ Փորձեք դա անել հնարավորինս ամուր՝ կողոսկրերն ուղղահայաց իրար սեղմելով:
_Տարայի վրա փայլաթիթեղով կափարիչ պատրաստեք։
_Այնուհետև մաքրել և լվանալ կարտոֆիլը։
_Կտրել մեջտեղից, աղ ու պղպեղ անել ըստ ճաշակի: Մի կեսին մի կտոր կարագ քսել և ծածկել երկրորդով։ Յուրաքանչյուր կարտոֆիլ փաթաթել փայլաթիթեղով:
_Կողիկներով բանկան դնել ջեռոցում հրակայուն տարայի մեջ։ Կարտոֆիլները շարել կողքերին:
_Պատրաստուկը դնել սառը ջեռոցում։
_Թխել 70 րոպե 180 աստիճան ջերմաստիճանում: ժամանակն անցնելուց հետո անջատել ջեռոցը, բայց անմիջապես չբացել (որ բանկան չպայթի)։ Սպասեք ևս 10 րոպե:
Ուտեստը պատրաստ է։ Հանել կարտոֆիլը փայլաթիթեղից և զգուշորեն դնել ափսեի մեջ՝ նախապես վրան դնելով կողիկները, զարդարեք կանաչիներով։
Բարի ախորժակ:
Տեսանյութ
Խոզի միսը ջեռոցում
