Այսօր կպատմեմ, թե ինչպես պատրաստել Հյութալի կոտլետներ կարտոֆիլի մեջ, որը կարելի է մատուցել առանց կողմնակի ճաշատեսակի։ Այս կոտլետներն արտաքնապես ախորժելի են, ներքուստ՝ շատ հյութալի և գլխապտույտ բուրմունք են արձակում:
Իսկ երբ այն կտրում եք՝ ներսում ոչ միայն աղացած միս է, այլև մածուցիկ պանրով վառ միջուկ:
Կոտլետները պատրաստվում են արտասովոր ձևով: Յուրաքանչյուրն առանձին ձևավորելու կարիք չկա, քանի որ աղացած միսը փոքր-ինչ սառեցնում ենք, այնուհետև կտրատում շերտերով։ Այս կտորները շատ հեշտ է թաթախել ձվի մեջ, իսկ հետո՝ կարտոֆիլի մեջ։ ։
Հյութալի կոտլետներ կարտոֆիլի մեջ. Բաղադրիչներ
_Խոզի միս 500 գ
_Սոխ 1 հատ
_Ձու 3 հատ
_Կոշտ պանիր 150 գ
_Մաղադանոս 20 գ
_Բուլղարական պղպեղ 1 հատ
_Կարտոֆիլ 500 գ
_Ցորենի ալյուր 100 գ
_Արևածաղկի ձեթ 20 մլ
_Աղ՝ ըստ ճաշակի
_Սև պղպեղ (աղացած) ըստ ճաշակի
Հյութալի կոտլետներ կարտոֆիլի մեջ. Պատրաստման եղանակը
_Պատրաստի աղացած մսի մեջ ավելացնել 1 ձուն, կտրատած սոխը, սև պղպեղը և աղը, լավ խառնել։
_Սեղանի կամ տախտակի վրա փռեք սննդային թաղանթ, վրան մոտ 2 սմ շերտով քսել աղացած միսը։
_Պանիրը քերել, բուլղարական պղպեղը խորանարդներով կտրատել, մաղադանոսը մանր կտրատել։
_Աղացած մսի վրա նախ տարածել պանիրը, ապա պղպեղը, շաղ տալ մաղադանոսը։
_Աղացած միսը ռուլետով փաթաթել և 2 ժամով դնել սառցարանում։
_Պատրաստել թաթախման բաղադրիչները՝ կարտոֆիլը քերել, ալյուրը լցնել հարմար տարայի մեջ, 2 ձուն աղ անել և թույլ հարել։
_Հանել աղացած մսով ռուլետը, հեռացնել թաղանթը։ Աղացած միսը կտրատել մոտ 4 սմ հաստությամբ շերտերով։
_Յուրաքանչյուր կտորը թաթախել ալյուրի, ապա՝ ձվի մեջ և ձեռքերով կոտլետը փաթաթել կարտոֆիլով բոլոր կողմերից։
_Կոտլետները դնել արևածաղկի ձեթով տաքացրած տապակի մեջ և տապակել 5-6 րոպե յուրաքանչյուր կողմից։
Շքեղ ու համեղ կոտլետները պատրաստ են:
Բարի ախորժակ:
Տեսանյութ
Կիևյան կոտլետներ
