Հյութալի կոտլետներ. Նուրբ, փափուկ, համեղ և դյուրամարս ուտեստ

Հյութալի կոտլետներ. Նուրբ, փափուկ, համեղ և դյուրամարս ուտեստ

Աղացած մսին ավելացված կաղամբի շնորհիվ դուք ստանում եք շատ նուրբ կոտլետներ, որոնք հաստատ ձեզ դուր կգան:

Հյութալի կոտլետներ. Անհրաժեշտ բաղադրիչները

• Կաղամբ 300 գ
• Ցանկացած աղացած միս 150 գ
• Ձու 1 հատ
• Սոխ 1 հատ
• Թթվասեր 2 ճաշի գդալ
• Ալյուր 3 ճաշի գդալ
• Աղ, պղպեղ՝ ըստ ճաշակի
• Կանաչիներ՝ ըստ ճաշակի

Հյութալի կոտլետներ. Պատրաստման եղանակը

1. Կաղամբը մանր ու բարակ կտրատել:
2. Կտրել սոխը բարակ շերտերով և խառնել կաղամբի հետ:
3. Եռացրած ջուրը լցնել կաղամբի և սոխի վրա և թողնել 5 րոպե: Որից հետո ջուրը քամել:
4. Կաղամբը խառնել ձվի, աղացած մսի, թթվասերի, ալյուրի, աղի, պղպեղի և մանր կտրատած կանաչիների հետ:
5. Հունցել զանգվածը և ձևավորել կոտլետներ:
6. Տաք թավան յուղել բուսական յուղով և դնել կոտլետները:
7. Ջեռոցը տաքացնել 200 աստիճանով և կոտլետները եփել մոտ 30 րոպե:
8. Հուշում. Կոտլետներն ավելի նուրբ և բուրավետ դարձնելու համար զանգվածին ավելացրեք դդմիկ, որը քերած է միջին քերիչով և հյութը քամած: Զանգվածին կարող եք նաև ավելացնել տապակած սունկ, այդ դեպքում սնկով համեմված կոտլետներ կունենաք: Կտրտած սխտորն էլ չի վնասի, կարելի է ավելացնել նաև համեմ, այդ դեպքում կոտլետներն ընդհանրապես չեն տարբերվի մսով կոտլետներից:
9. Պատրաստ լինելուց 10 րոպե առաջ կարելի է կոտլետների վրա ցանել քերած պանիր: