Հյութալի կոտլետներ տավարի լյարդով և հնդկաձավարով. Անսովոր մթերքներով համեղ ուտեստ

Պարզագույն մթերքներից կարող եք պատրաստել Հյութալի կոտլետներ տավարի լյարդով և հնդկաձավարով:

Ընդհանրապես, ես աշխատում եմ իզուր չվատնել մթերքները։ Եթե երեկվանից մի քիչ կարտոֆիլի պյուրե կա, ուրեմն այսօր ճաշին կարտոֆիլի բլիթներ են լինելու։ Իսկ եթե ունեմ հնդկաձավարով շիլա, ապա անպայման կպատրաստեմ շատ համեղ և հետաքրքիր ուտեստներ:
Այս կոտլետները կարելի է պատրաստել ոչ միայն տավարի, այլ նաև հավի լյարդից։ Ինչ էլ որ ունենաք ձեռքի տակ՝ վստահաբար օգտագործեք: Բացի այդ, խորհուրդ եմ տալիս զանգվածին ավելացնել սոխեռած: Հենց դա էլ կոտլետները հյութեղ կդարձնի։

Հյութալի կոտլետներ տավարի լյարդով և հնդկաձավարով. Անհրաժեշտ բաղադրիչներ

_Հնդկաձավար 0.5 բաժակ

_Տավարի լյարդ 700 գ

_Սոխ 2 հատ

_Գազար 1 հատ

_Արևածաղկի ձեթ 3 ճաշի գդալ

_Ձու 2 հատ

_Ցորենի ալյուր 2 ճաշի գդալ

_Աղ՝ ըստ ճաշակի

Հյութալի կոտլետներ տավարի լյարդով և հնդկաձավարով. Պատրաստման եղանակը

_Հնդկաձավարը եփել աղ արած ջրի մեջ, թողնել սառչի։

_Լյարդը լվանալ և չորացնել։ Աղալ մսաղացով։

_Սոխը կտրատել խորանարդիկներով, իսկ գազարը քերել խոշոր քերիչով։

_Բանջարեղենը տապակել բուսայուղով, թողնել մի քիչ հովանա:

_Խորը ամանի մեջ լյարդը խառնել ձվի, սոխեռածի և հնդկաձավարի հետ։

_Ավելացնել ալյուր, աղ և պղպեղ անել, լավ խառնել։

_Ձևավորել կոտլետները, տապակել 3 րոպե յուրաքանչյուր կողմից: Հենց կարմրեն, կարող եք հանել թավայից։

Այս պարզ ուտեստը կարելի է մատուցել առանց զարդարանքի։ Փոխարենը, որպես խավարտ մատուցեք բանջարեղենային աղցան կամ թթու կաղամբ:

Շատ հետաքրքիր է ստացվում։

Բարի ախորժակ:

Տեսանյութ

Ամենաարագ և Համեղ ընթրիքը