Հյութեղ ջեռեփուկ մսով. Անչափ համեղ ուտելիք, որը կանհետանա սեղանից մի քանի րոպե անց
Այս ջեռեփուկը շատ հարմար է պատրաստել՝ մեծ ընկերախումբ կերակրելու համար: Բայց հիշեք, որ բնօրինակ բաղադրատոմսում ուտեստը բավականին համեմված է ստացվում:
Այնպես որ, եթե կծու կերակուրների երկրպագու չեք, ապա խորհուրդ եմ տալիս քչացնել չիլի պղպեղի քանակը: Կապի պղպղեղը կարող եք փոխարինել բուլղարական պղպեղով, որ շատ կծու չլինի:
Содержание
Հյութեղ ջեռեփուկ մսով. Անհրաժեշտ բաղադրիչները
- Աղացած տավարի միս 500 գ
- Կարտոֆիլ 6 հատ
- Լոլիկ 4 հատ
- Սոխ 2 հատ
- Կապի պղպեղ (կամ բուլղարական) 2 հատ
- Կանաչ չիլի պղպեղ 10 հատ
- Սխտոր 5 պճեղ
- Տոմատի մածուկ 1 ճաշի գդալ
- Չիլի սոուս 1 թեյի գդալ
- Ջուր 750 մլ
- Ձիթապտղի յուղ 100 մլ
- Աղ 1 թեյի գդալ
- Սև պղպեղ (աղացած) 1 թեյի գդալ
- Չաման 1 թեյի գդալ
- Ապխտած կարմիր պղպեղ 1 թեյի գդալ
Հյութեղ ջեռեփուկ մսով. Պատրաստման եղանակը
- Կարտոֆիլը մաքրել և կտրել միջին խորանարդիկներով, այնուհետև լցնել ջրով ամանի մեջ: Մաքրել լոլիկը և կտրել դրանք նույնպես խորանարդիկներով:
- Սոխը, չիլին, կապին և սխտորը մանր կտրատել: Կարտոֆիլը լցնել մեծ տապակի կենտրոնում, իսկ մնացած բանջարեղենը լցնել շուրջը՝ կույտեր կազմելով:
- Աղացած մսի գնդիկները դնել բանջարեղենների և կարտոֆիլի բուրգերի միջև:
- Լոլիկի կեղևները լավ տրորել, որպեսզի հյութն առանձնանա: Դրան ավելացնել տոմատի մածուկ, չիլի սոուս, ջուր, յուղ և համեմունքներ: Ստացված սոուսը լցնել բանջարեղենի և մսի վրա, ապա լավ հարել ձեռքերով:
- Հարթեցնել խառնուրդը, թեթևակի տրորելով այն: Պատրաստել ուտեստը 180 աստիճան տաքացրած ջեռոցում 35 րոպե:
Հյութեղ ջեռեփուկը մսով պատրաստ է:
Բարի ախորժակ:
Տեսանյութ
Մսով պիրոգ
