Հնդկահավի ռուլետ. Ախորժելի, պայծառ ու խելահեղ համեղ ուտեստ է:
Այս բաղադրատոմսը իր արժանի տեղը կգրավի ձեր նախընտրելիների ցանկում, քանի որ օգնության կգա որևէ հատուկ առիթ նշելու սեղան պատրաստելիս:
Բայց, քանի որ պահանջվող բաղադրիչները հիմնականում մատչելի են, այս ռուլետը կարելի է պատրաստել նաև սովորական օրերին, և ունենալ սառնարանում արագ նախուտեստ պատրաստելու համար:
Հնդկահավի ռուլետ. Անհրաժեշտ բաղադրիչներ
- Հնդկահավի կրծքամիս 1 կգ
- Խոզապուխտ 200 գ
- Կոշտ պանիր 30 գ
- Սպանախ 125 գ
- Սոխ 100 գր
- Մի պճեղ սխտոր
- Աղ` համտեսել
- Աղացած սև պղպեղ 1/2 թեյի գդալ
- Եղեսպակ(շալֆեյ) 6 հատ
- Մաղադանոս 30 գ
- Կիտրոն 1 հատ
- Կիտրոնի հյութ 1 թեյի գդալ
- Չոր սպիտակ գինի 250 մլ
- Բուսական յուղ 2 ճաշի գդալ
- Ձիթապտղի յուղ 2 ճաշի գդալ
Հնդկահավի ռուլետ. Պատրաստման եղանակը
- Տապակի մեջ ձիթապտղի յուղ լցնել, մեջը նուրբ մանրացված սոխ լցնել, թույլ տապակել, ապա ավելացնել ճզմած սխտորը, աղացած սև պղպեղ, աղ, խառնել: Տապակել միջին կրակի վրա 2 րոպե:
- Հետո լցնել մանրակրկիտ լվացված սպանախը, ցողել կիտրոնի հյութը, խառնել: Տապակել ևս 2 րոպե միջին կրակի վրա: Պատրաստի զանգվածը տեղափոխել առանձին ամանի մեջ:
- Պանիրը քերել խոշոր քերիչով և լցնել ամանի մեջ, խառնել:
- Հնդկահավի կրծքամիսը մեջտեղից կիսեք՝ ստանալով մեկ մեծ մսակտոր: Այն ծածկել սննդային թաղանթով և ծեծել մուրճով: Աղ և պղպեղ անել, պատրաստի միջուկը դնել կենտրոնում և ոլորել ռուլետը: Այն փաթաթել խոզապուխտի շերտերով:
- Ջեռոցի տապակի ներքևում դնել մաղադանոսի ճյուղերը, կտրտած կիտրոնը և վերջում դնել ռուլետը:
- Վրան ավելացնել եղեսպակի տերևներ, լցնել ձիթապտղի յուղ, ավելացնել չոր գինի և ամեն ինչ փաթաթել սննդային փայլաթիթեղով:
- Տապակը կես ժամով դնել 180 աստիճան տաքացրած ջեռոց: Դրանից հետո հանել այն, հեռացնել փայլաթիթեղը և կրկին դնել ջեռոցի մեջ ևս մեկ և կես ժամ նույն ջերմաստիճանում:
Հնդկահավի ռուլետը պատրաստ է: Շատ նուրբ և համեղ ուտեստ, որը կգրավի ցանկացած համադամասերի: Դրա համն անհավանական բան է:
Բարի ախորժակ
Տեսանյութ
Հավի մսով ռուլետ
