Հնդկաձավարով շիլա. Համեղ ու դյուրամարս կերակուրը դուր կգա անգամ քմահաճ երեխաներին ու կդառնա ձեր սննդակարգի կարևոր մաս

Հնդկաձավարով շիլա եփելու համար ձեզ պետք կգան շատ մատչելի մթերքներ և քիչ ժամանակ: Այս շիլան կարող է լինել ամենօրյա սննդակարգի մաս, քանի որ դրանում կան օրգանիզմին անհրաժեշտ միկրոտարրեր: Բացի այդ հնդկաձավարով համեղ շիլա պատրաստելն այնքան էլ դժվար չէ։

Համեղ ու դյուրամարս կերակուրը սիրով կուտեն անգամ քմահաճ երեխաները:

Հնդկաձավարով շիլա. Անհրաժեշտ բաղադրիչները

— հնդկաձավար 200 գ

— գազար 180 գ

— սոխ 160 գ

— տաք ջուր 400 գ

— թարմ լոլիկ 200 գ

— տոմատի մածուկ 70 գ

— բուսական յուղ 1-2 ճաշի գդալ

— աղ և պղպեղ ըստ ճաշակի

Հնդկաձավարով շիլա. Պատրաստման եղանակը

_ Սոխը մանր կտրատել, քերել գազարը խոշոր քերիչով։ Լոլիկը կտրատել փոքր խորանարդիկներով։

_ Տաքացնել բուսայուղը և մի քանի րոպե տապակել սոխը, հետո ավելացնում գազարն ու եփել ևս 5-7 րոպե՝ պարբերաբար խառնելով։

_ Ավելացնել լոլիկը, խառնել բանջարեղենը, ծածկել և եփել 5 րոպե։

_ Լավ լվացված հնդկաձավարը լցնել բանջարեղենի վրա։

_ Տաք ջուրը խառնել տոմատի մածուկի հետ, ըստ ճաշակի ավելացնել աղ, պղպեղ և այս հեղուկն ավելացնել բանջարեղենով հնդկաձավարի վրա։

_ Կափարիչով ծածկել տապակը, կրակը նվազագույնի հասցնել և շիլան եփել 20-30 րոպե:

_ Երբ թավայի մեջ ջուր չմնա, իսկ հնդկաձավարը ուռչի, շիլան պատրաստ է։

Հնդկացորենի շիլան հիանալի համադրվում է սնկի հետ, այնպես որ կարող եք սոխով գազարի հետ խառնել նաև սունկ և ստանալ համեղ և հագեցնող շիլա։

Մի մոռացեք թարմ կանաչիների մասին՝ սամիթն ու մաղադանոսը շատ հարմար են հնդկաձավարով շիլաներ պատրաստելիս։

Բարի ախորժակ:

Տեսանյութ

Ոսպով բրնձով փլավ