Ձկան կոտլետներ. Այս բաղադրատոմսով պատրաստում են վանականները
Վանքում ապրող մարդիկ միշտ չէ, որ միայն սահմանափակումներով են սնվում: Նրանք նույնպես համեղ ուտեստներ են պատրաստում: Առաջարկում ենք այս ծանոթանալ այս կոտլետների բաղադրատոմսին: Դրանք շատ համեղ ու հյութալի են ստացվում, եթե հետևեք բոլոր ցուցումներին:
Այս բաղադրատոմսում դուք չեք գտնի թանկարժեք բաղադրիչներ: Ընդհակառակը, բացարձակապես ցանկացած ձուկ հարմար է, կարող եք վերցնել, թե թարմ, թե նույնիսկ սառեցված ձկներ: Ուտեստի համը և կոտլետների շքեղությունը կախված են բուն պատրաստման եղանակից:
Ձկան կոտլետներ. Անհրաժեշտ բաղադրիչները
- Սպիտակ ձկան միս 1 կգ
- Դափնու տերև 1 հատ
- Աղ՝ ըստ ճաշակի
- Համեմունքներ՝ ըստ ճաշակի
- Հաց 200 գ
- Ձու 2 հատ
- Կոշտ պանիր 50 գ
- Սոխ 1 հատ
- Կաթ՝ ըստ ճաշակի
- Սև պղպեղ (աղացած)՝ ըստ ճաշակի
- Չորահաց 200 գ
Ձկան կոտլետներ. Պատրաստման եղանակը
- Ձուկը նախապես խաշել դափնու տերևներով և պղպեղով՝ աղ արած ջրի մեջ: Թրջել հացը կաթի մեջ:
- Այնուհետև աղալ միսը՝ օգտագործելով մսաղաց կամ բլենդեր, վրան ավելացնել ձու, աղ, պղպեղ, քերած պանիր, խառնել ամբողջը:
- Քամել թրջած հացը և ավելացնել աղացած ձկան մսին:
- Աղալ սոխը մսաղացով կամ մանր կտրատել, ավելացնել աղացած մսին և հունցել այն:
- Կոտլետները ձևավորել, թաթախել չորահացի մեջ և տապակել երկու կողմերից մինչև ոսկե դարչնագույնը:
Պետք չէ անհանգստանալ, որ կոտլետները ներսից չեն եփվի: Քանի որ ձուկն արդեն պատրաստ է, միակ խնդիրն այն կլինի, որ աղացած միսը չփլվի: Եթե լավ տաքացրած թավայի վրա արագորեն տապակեք երկու կողմերից մի քանի րոպե՝ բավարար կլինի:
Արագ ջերմային տապակման շնորհիվ կոտլետները կստացվեն հյութեղ և աներևակայելի քնքուշ: Անպայման այս բաղադրատոմսը կիսեք նրանց հետ, ովքեր սիրում են ձկան մսով ուտեստներ:
Ձկան կոտլետները պատրաստ են:
Բարի ախորժակ
Տեսանյութ
Լավաշով ռուլետ լցոնած ձկով
