Վստահ ենք, որ ձկան կոտլետները ձեզ մտովի կտանեն մանկության տարիներ: Նման կոտլետներ են մատուցվել մանկապարտեզներում, դպրոցներում և ճաշարաններում: Հիանալի է վերհիշել այս հիանալի համն ու բույրը:
Փորձեք պատրաստել և մատուցել դրանք պյուրե կարտոֆիլով կամ պարզապես հացով: Խրթխրթան կոտլետները կարելի է մատուցել ցանկացած կողմնակի ուտեստով` կարտոֆիլով, մակարոնեղենով կամ պարզապես աղցանով:
Ձկան կոտլետներ. Անհրաժեշտ բաղադրությունը
_Սպիտակ ձկան միս 1 կգ
_Հաց 60 գ
_Ձու 4 հատ
_Կաթ 150 մլ
_Կարագ 80 գ
_Սոխ 3 հատ
_Սամիթ 1 ճաշի գդալ
_Չորահացի փշրանքներ
_Ձիթապտղի յուղ
_Աղ՝ ըստ համտեսի
_Սև պղպեղ (աղացած)՝ ըստ համտեսի
Ձկան կոտլետներ. Պատրաստման եղանակը
_Հացի փափուկ մասը թաթախել կաթի մեջ: Այդ ընթացքում սոխը մաքրել և կտրել 4 մասի, ոսկրահան անել ձկան միսը և աղալ այն մսաղացով:
_Կաթի միջի հացը քամել և ավելացնել աղացած մսին: Ավելացնել 2 ձու, սամիթ, աղ և պղպեղ: Աղացած միսը լավ խառնել և կես ժամով դնել սառնարանում:
_Քերիչով քերել սառեցված կարագը, ավելացնել այն աղացած մսին և խառնել:
_Ձևավորել կոտլետներ թաց ձեռքերով: Հարել մնացած ձվերը ամանի մեջ: Յուրաքանչյուր ձևավորած կոտլետ նախ ընկղմել ձվի մեջ, ապա թաթախել չորահացի մեջ:
_Ձիթապտղի յուղը թավայի մեջ տաքացնել և տապակեք կոտլետները յուրաքանչյուր կողմում մինչև ոսկեգույն դառնան:
_Դրանից հետո կոտլետները դասավորել ջեռոցի տապակի վրա և 10 րոպե թխեք 170 ° C ջերմաստիճանում, մինչև վերջնական պատրաստ լինելը:
Լավ կլինի մատուցել ձկան կոտլետները դեռ տաք վիճակում: Ըստ ցանկության կարող եք դրանց վրա լցնել որևէ համեղ սոուս կամ պարզապես հալված կարագ:
Ձկան կոտլետները պատրաստ են:
Բարի ախորժակ: