Ձուկը աղի մեջ. Համեղ ու քնքուշ ձկնամսի թխման եղանակ
Ձուկ պատրաստելու այս զարմանալի բաղադրատոմսը մեզ է հասել Իտալիայից: Նման եղանակով տանը հեշտությամբ կարող եք թխել ձկներրը: Մի վախեցեք աղի մեծ քանակությունից: Ուտեստի համը սրանից միայն կբարելավվի:
Ցանկացած ձուկ կարելի է պատրաստել այս բաղադրատոմսով, նույնիսկ շատ փշոտները: Խոշոր աղը նույնպես շատ հարմար է:
Եփման յուրահատուկ տեխնոլոգիան թույլ է տալիս ընդհանրապես չմաքրել ձկների մաշկը պատրաստելուց առաջ: Ավելին, պատրաստի միսը հեշտությամբ բաժանվում է ոսկորներից, ունի հարուստ համ և բույր, ստացվում է աներևակայելի քնքուշ ձկնամիս: Հարմար ու հաճելի մատուցումը դուր կգա ձեր հյուրերին:
Ձուկը աղի մեջ. Անհրաժեշտ բաղադրիչները
- Ձուկ 1,5 կգ
- Աղ 2 կգ
- Ձվի սպիտակուց 3 հատ
- Կիտրոն 1 հատ
- Ջուր 50 մլ
- Ձիթապտղի յուղ 1 ճաշի գդալ
- Խնկունի 1 պտղունց
- Ուրց 1 պտղունց
- Դափնու տերև 1 հատ
Ձուկը աղի մեջ. Պատրաստման եղանակը
- Նախապատրաստել ձուկը. Դրսից մաքրելու կարիք չկա, բայց փորոտիքն ու մաղձը պետք է հեռացնել: Լվանալ և չորացնել թղթե սրբիչով:
- Ջեռոցը տաքացնել 220 աստիճանով:
- Մի ամանի մեջ աղը խառնել սպիտակուցների հետ, տաք ջուր լցնել, ջեռոցի տապակը ծածկել յուղաթղթով և վրան ձկան չափով աղ լցնել:
- Քսել ձկան վրա ձիթապտղի յուղ և դնել աղի «բարձի» վրա: Ձկների մեջ դնել խնկունի, ուրց, դափնու տերև և կիտրոնի կտորներ, մնացած աղով ծածկել ձկները և թխել 25 րոպե:
- Դրանից հետո հանել ձուկը, թող սառչի մոտ 7 րոպե և զգուշորեն կոտրել աղի կեղևը: Միսը հեշտությամբ է բաժանվում ոսկորներից:
Սա զբաղված մարդկանց և նրանց համար է, ովքեր երկար ժամանակ չեն չեն կարող տրամադրել խոհանոցում ձուկ պատրաստելու խառնաշփոթի համար և ձգտում են անել պարզ, տնտեսող և յուրօրինակ ձևով:
Աղի մեջ դուք կարող եք թխել ոչ միայն ձուկ, այլ նույնիսկ ճակնդեղ ու հավ: Եթե ձեզ դուր եկավ այս բաղադրատոմսը, պատմեք ձեր ընկերներին դրա մասին:
Ձուկը աղի մեջ պատրաստ է:
Բարի ախորժակ
Տեսանյութ
Ձուկը աղի մուշտակով
