Ձուկը ջեռոցում գինիով. Հաճելի ընթրիքի համեղ հյուրասիրություն

Այս բաղադրատոմսով ձուկը ջեռոցում գինիով հիանալի է ստացվում:

Ոչ մի բարդ բան չկա, ուղղակի ձուկը պետք է դնել ջեռոցում )

Իրականում, այս բաղադրատոմսի շնորհիվ բուրավետ ձկան համն ապխտածի նման կլինի: Ուտեստը նուրբ է, ախորժելի ու շատ համեղ։

Ձուկը ջեռոցում գինիով. Անհրաժեշտ բաղադրիչները

_Ծիածանափայլ իշխան 1 հատ մոտ 1 կգ

_Սոխ 2 հատ

_Սխտոր 6 պճեղ

_Սամիթ՝ ըստ ճաշակի

_Կիտրոն մի քանի օղակ

_Սպիտակ գինի

_Աղ, պղպեղ, բուսական յուղ

Ձուկը ջեռոցում գինիով. Պատրաստման եղանակը

_Ձուկը կտրել որովայնի երկայնքով և մաքրել, փորոտիքը հեռացնել, ձուկը լավ լվանալ և թղթե սրբիչներով չորացնել։

_Սոխը, սխտորն ու կիտրոնը մանր կտրատել, ցանկացած կանաչիներ կտրատել ըստ ճաշակի։

Հուշում․ կիտրոնի կեղևը մաքրեք, որպեսզի ձկանը դառնություն չհաղորդի։

_Ձուկը քսել աղով ներսից և դրսից, համեմել պղպեղով, համեմունքներով, բուսական յուղով։

_Որովայնի մեջ լցնել կիտրոնը, կանաչին, սոխն ու սխտորը։

_Վերցնել փայլաթիթեղը, ծալել երկու տակ ծալել ու ձկան չափով նավակ անել։

_Ձուկը դնել և վրան սպիտակ գինի լցնել: Պետք է ձուկը ընդամենը թաթախվի գինու մեջ, այնպես որ նավակի մեջ չափազանց շատ մի լցրեք։

_Ծածկել փայլաթիթեղով։

_Դնել 200 աստիճան տաքացրած ջեռոցը, եփել 40 րոպե։

_Ուզում եմ նշել, որ կարելի է ավելի երկար եփել, որպեսզի սոխն անպայման եփվի։

_Բայց, եթե սիրում եք մի քիչ խրթխրթան սոխ, ապա 20 րոպեն բավական կլինի։

Բարի ախորժակ:

Տեսանյութ

Ձուկը ջեռոցում աղի մուշտակով