Ձուկը ջեռոցում թխած ոչ միայն համեղ է, այլև առողջարար։ Հատկապես եթե այն մատուցում եք կանաչիով, լոլիկի, կարտոֆիլի հետ:
Ձուկը ջեռոցում. Անհրաժեշտ բաղադրիչները
_Ձուկ 2 հատ
_Կարտոֆիլ 500 գր
_Սխտոր 4 պճեղ
_Լոլիկ 4 հատ
_Կիտրոն 1 հատ
_Սոխ 2 հատ
_Կարագ 30 գր
_Բուսական յուղ 2 ճաշի գդալ
_Աղ, պղպեղ՝ ըստ ճաշակի
_Կանաչիներ՝ ըստ ճաշակի
Ձուկը ջեռոցում. Պատրաստման եղանակը
_Ջեռոցի տապակը կամ կաղապարը ծածկել փայլաթիթեղով:
_Կարտոֆիլը կտրատել բարակ շերտերով, լցնել տապակի վրա։
_Սոուսի համար խառնել փափկած կարագը, բուսական յուղը, աղն ու պղպեղը՝ ըստ ճաշակի։
_Կանաչին մանր կտրատել ու ավելացնել սոուսին, խառնել ու լցնել կարտոֆիլի վրա։
_Թխել կարտոֆիլը 30 րոպե՝ 180 աստիճան ջերմաստիճանում։
_Սոխը կտրատել բարակ կիսաօղակներով, սխտորը մանր կտրատել։
_Նախ սոխը տապակել բուսայուղի մեջ մինչև կիսաեփ լինի, ավելացնել սխտորը և տապակել մի քանի րոպե։
_Սոխի և սխտորի մի մասը լցնել կարտոֆիլի վրա, վրան շարել լոլիկի շրջանակները, ձուկը, վրան ծածկել սոխով և լոլիկով։
_Կիտրոնը շրջանաձև կտրատել, դնել ձկան վրա ու թխել 40 րոպե։
Հուշում. նախքան ձուկը կարտոֆիլի վրա դնելը, այն պետք է լավ մարինացնել ձկան համար նախատեսված համեմունքներով, աղով և պղպեղով, երկու կողմից ձուկը յուղել բուսայուղով։
_Մատուցելիս ցանել թարմ կանաչիներ։
Բարի ախորժակ:
Տեսանյութ
Ձուկը ջեռոցում աղի մուշտակով
