Բուրավետ ձվածեղ Մարգարիտա. Մոցարելլայով հյութեղ ու հագեցնող նախաճաշ

Պատրաստեք Բուրավետ ձվածեղ Մարգարիտա տոմատի սոուսով և մոցարելլայով, այն անկասկած, կդառնա ձեր սիրելին: Այն կատարյալ է նախաճաշի համար: Մնում է միայն թունդ սուրճ եփել, ջեռոցից հանել անուշահոտ ձվածեղը՝ և ապահովված է ողջ օրվա եռանդի և էներգիայի լիցքավորումը։

Այս ուտեստը կատարյալ դարձնելու համար լավագույնն է օգտագործել լավ թուջե թավա, քանի որ, ձվածեղը պետք է եփվի ջեռոցում։

Այս ուտեստը պատրաստելու համար անհրաժեշտ է տոմատի սոուս։ Դուք կարող եք գնել այն պատրաստի կամ պատրաստել ձեր սեփականը: Պետք է ընտրել միայն հասած լոլիկ և վերցնել ձեր սիրած համեմունքները։ Վերջում մնում է ավելացնել մի քանի ճաշի գդալ ձիթապտղի յուղ, և նախաճաշը պատրաստ է:

Բուրավետ ձվածեղ Մարգարիտա. Բաղադրիչներ

_Ձու 8 հատ

_Լոլիկ 150 գ

_Աղ ըստ ճաշակի

_Սև պղպեղ (աղացած) ըստ ճաշակի

_Սուսամբար (օրեգանո) 2 պտղունց

_Կարագ 30 գ

_Մոցարելլա 100 գ

_Ձիթապտղի յուղ 4 ճաշի գդալ

Բուրավետ ձվածեղ Մարգարիտա. Պատրաստման եղանակը

_Ձվերը հարել մի պտղունց աղով և աղացած սև պղպեղով։

_Լոլիկը քերել կամ անցկացնել մսաղացի միջով։

_Ավելացնել աղ, սուսամբար և սև պղպեղ։

_Լցնել ձիթապտղի յուղը և մանրակրկիտ խառնել։

_Վերցրեք թավա կամ հատուկ տարա, որը հարմար է ջեռոցի համար։

_Տաքացնել այն կարագով։ Լցնել ձվի խառնուրդը։

_Եփել մարմանդ կրակի վրա՝ կափարիչով ծածկված, մինչև ձվածեղի վերին մասը կայունանա։

_Պատրաստի ձվածեղին քսել տոմատի սոուս։

_Մոցարելլան քերել, շաղ տալ սոուսի վրա և 8-10 րոպեով դնել 220 աստիճան տաքացրած ջեռոց։

Պատրաստի ձվածեղի վրա կարող եք շաղ տալ մանր կտրատած կանաչիներ կամ պարզապես զարդարել ռեհանի տերևով։ Այսպիսի ախորժելի նախաճաշը կանհետանա սեղանից մի ակնթարթում, և ձեր ընտանիքի բոլոր անդամները կմնան կուշտ և գոհ:

Բարի ախորժակ:

Տեսանյութ

Համեղ նախաճաշ