Ձվի տապակա ուտեստն այնքան համեղ է, որ բառերով չես նկարագրի, պարզապես պետք է փորձել: Այն պատրաստվում է պարզ, իսկ սեղանին օրիգինալ տեսք ունի։ Գայթակղիչ, ախորժելի և տպավորիչ միջուկով ձվերը միշտ կզարդարեն սեղանը և բազմազանություն կհաղորդեն:
Նուրբ ձվի և անուշաբույր խոզապուխտի համադրությունը իսկապես զարմանալի համ է հաղորդում։
Ձվի տապակա. Անհրաժեշտ բաղադրիչները
_Հավի ձու 4 — 5 հատ և 2 հատ՝ թաթախելու համար
_Խոզապուխտ 20 գրամ
_Թթվասեր կամ մայոնեզ 1 ճաշի գդալ
_Մանանեխ 0,5 գդալ
_Պաքսիմատ՝ թաթախելու համար
_Պանիր 50 գրամ
_Արևածաղկի ձեթ՝ տապակելու համար
Ձվի տապակա. Պատրաստման եղանակը
_Այս ուտեստը պատրաստելու համար պետք է պինդ խաշել հավի ձվերը։
_Ջրի մեջ, որում եփվում են ձվերը, մի փոքր աղ ավելացնել։
_Նուրբ խոզապուխտը դանակով շատ մանր կտրատել, լցնել առանձին ամանի մեջ։
_Մանանեխն ու թթվասերը կամ մայոնեզը լցնել խոզապուխտով տարայի մեջ:
_Ամեն ինչ լավ խառնել։
_Ձվերը մաքրել և կտրել երկայնքով։
_Առանձնացնել սպիտակուցը դեղնուցից։
_Դեղնուցները տեղափոխել խոզապուխտով ամանի մեջ, ըստ ճաշակի համեմել աղով։
_Ամբողջ զանգվածը լավ խառնել, մինչև հարթվի և միջուկը պատրաստ է։
_Սպիտակուցի կեսերի մեջ լցնել պատրաստի միջուկը։
_Միացնել ձվի սպիտակուցները՝ ստանալ մի ամբողջ ձվի տեսք:
_Լցոնած ձուն թաթախել հարած ձվի և պաքսիմատի մեջ։
_Այնուհետև երկրորդ անգամ թաթախել ձվի և պաքսիմատի մեջ։
_Առատ, տաք ձեթով թավայի մեջ դնել։
_Տապակել այս հիանալի ուտեստը բոլոր կողմերից։
_Պանիրը քերել քերիչով։
_Տապակած ձվերը տեղափոխել մատուցման ափսեի վրա և վրան ցանել քերած պանիր։
Մթեքները պարզ են, իսկ արդյունքը պարզապես հիանալի է:
Բարի ախորժակ:
