Ճակնդեղով և կաթնաշոռով գնդիկները շատ համեղ են և չափազանց հեշտ են պատրաստվում: Բանջարեղանային կոլոլակի այս տարբերակը բազմաթիվ անուններով է հայտնի աշխարհի տարբեր երկրներում, քանի որ նվաճել է շատերի սրտերը:
Այս ուտեստի համար շատ տարբերակներ կան, այն կարելի է պատրաստել գրեթե ցանկացած մթերքից: Մենք առաջարկում ենք այս մեկը` կաթնաշոռով և ճակնդեղով: Նրանք ոչ միայն անսովոր և զարմանալի համ, այլև հիանալի տեսք կտան ձեր ուտեստին: Եվ դուք կարող եք հանգիստ կերպով հյուրասիրել նաև բուսակեր հյուրերին, եթե բաղադրատոմսից բացառեք ձուն:
Ճակնդեղով և կաթնաշոռով գնդիկներ. Բաղադրությունը
_Կաթնաշոռ 300 գ
_Ճակնդեղ 2 հատ
_Պարմեզան 70 գ
_Ձու 1 հատ
_Պրովանսյան կանաչիներ 1 թեյի գդալ
_Ցորենի ալյուր 100 գ
_Սերուցք 100 մլ
_Կարագ 1 ճաշի գդալ
_Ձիթապտղի յուղ 2 ճաշի գդալ
_Աղը` ըստ ճաշակի
_Սև պղպեղը (աղացած)` ըստ ճաշակի
Ճակնդեղով և կաթնաշոռով գնդիկներ. Պատրաստում
_Խաշել ճակնդեղը, կտրել մեծ խորանարդներով և մանրացրեք դրանք բլենդերի մեջ: Ստացված խառնուրդը քամել թանզիֆով (մառլյայով) և հեռացնել առաջացած հյութը:
_Խառնել կաթնաշոռը, մանրացված ճակնդեղը, ձուն, ալյուրը, 50 գ պարմեզան պանիրը, աղը, պղպեղը:
_Պրովանսյան կանաչիները լցնել եռացրած աղ արած ջրի մեջ, երկու գդալի օգնությամբ պատրաստել գնդիկներ և եփել 7 րոպե: Դրանից հետո ցանցկեն գդալով դրանք հանել կաթսայից:
_Տապակի մեջ տաքացնել կարագը և ձիթապտղի յուղը, դրա վրա լցնել գնդիկները, լցնել սերուցքը և շոգեխաշել մինչև թանձրանալը:
_Պատրաստի ուտեստը շարել մատուցման ափսեի վրա և վրան շաղ տալ մնացած քերած պարմեզանը:
Ճակնդեղով և կաթնաշոռով գնդիկների համար ավելի լավ է օգտագործել եղեսպակի, մարջորանի և ռեհանի խառնուրդը, և եթե ձեզ դուր է գալիս խնկունին, կարող եք նաև դա ավելացնել: Ճաշատեսակը մատուցեք ձեր նախընտրած սոուսով և ուրախացրեք ձեր ընտանիքին և հյուրերին:
Ճակնդեղով և կաթնաշոռով գնդիկները պատրաստ են:
Բարի ախորժակ: