Մինի խորովածներ. Փափուկ, նրբահամ և գունեղ խորտիկ

Շատ հեշտ պատրաստվող և շատ էլեգանտ մինի խորովածները խնջույքի սեղանին մատուցեք որպես սովորական խորովածի հիանալի այլընտրանք:

Սրանք, ի դեպ, կարելի է պատրաստել նաև ամառանոցում՝ կրակի վրա: Իսկ հիմա կպատրաստենք ջեռոցում։

Մինի խորովածներ. Անհրաժեշտ բաղադրիչները

_Խոզի փափկամիս 500 գր

_Խոշոր դեղին բուլղարական պղպեղ 2 հատ

_Սոյայի սոուս 1/2 բաժակ

_Կծու մանանեխ 2 ճաշի գդալ

_Մեղր 1 ճաշի գդալ

_Սխտոր 3 պճեղ

_ Մի նարնջի հյութ և կեղևի քերուկ

Մինի խորովածներ. Պատրաստման եղանակը

_Մարինադի համար կտրատել սխտորն ու կեղևը, խառնել մնացած բաղադրիչների հետ, մինչև հարթվի, թողնել մարինացվի 10 րոպե։

_Այդ ընթացքում միսը կտրատել խորանարդներով՝ մոտ 2-ից 3 սմ չափսի, միսը լցնել մարինադի մեջ 1 — 2 ժամով։

_Փայտե շամփուրները 1-2 ժամ թրջել տաք ջրի մեջ։

_Կտրել պղպեղը մոտավորապես նույն չափի կտորներով, ինչպես միսը:

_Մսի և պղպեղի կտորները շարել շամփուրների վրա հերթով:

_Թխել փայտածուխի վրա կամ ջեռոցում ամենաթեժ կրակով (կամ 230 ° C ջերմաստիճանում) 5 րոպե:

Մատուցել անմիջապես, տաք-տաք։

Բարի ախորժակ:

Տեսանյութ

Խորոված հավի կրծքամիս տնային պայմաններում