Մինի քաբաբ. Փափուկ և հյութեղ ընթրիք

Շատ անուշաբույր հավելումներով, կծու խոզի մսով Մինի քաբաբը լրացվում է պրասի կտորներով։ Շատ հյութալի և նուրբ է ստացվում:

Արևելյան խոհանոցի ցանկացած սիրահար կհավանի ճապոնական այս ուտեստը։

Մինի քաբաբ. Անհրաժեշտ բաղադրիչները

_Աղացած միս 400 գր

_Պրաս (սոխի տեսակ) 1 հատ

_Սոխ 1 հատ

_Սխտոր 2 պճեղ

_Կոճապղպեղ 2 ճաշի գդալ (քերած)

_Համեմի սերմ 1 թեյի գդալ

_Քնջութի յուղ 2 ճաշի գդալ

_Սոյայի սոուս 2 ճաշի գդալ

_Պղպեղ՝ ըստ ճաշակի

_Սոյայի սոուս (ցողելու համար) 5 ճաշի գդալ

_Շաքարավազ (ցողելու համար) 1 ճաշի գդալ

_Քնջութի յուղ (ջրելու համար) 0,5 ճաշի գդալ

_Քնջութի սերմեր ցանելու համար

Մինի քաբաբ. Պատրաստման եղանակը

_Խոզի միսը աղալ մսաղացով, մաքրել և կտրատել սոխը, սխտորը, կոճապղպեղը։ Համեմի սերմը տրորել մուրճիկով։

_Խառնել աղացած միսը, կտրատած սոխը, սխտորը և կոճապղպեղը (ես ամեն ինչ մանրացրել եմ բլենդերով)։

_Ավելացնել քնջութի յուղ, սոյայի սոուս, աղ, պղպեղ, մանր կտրատած համեմ։

_Լավ խառնել զանգվածը։ Փոքր կոլոլակներ ձևավորել և 40 րոպե դնել սառնարանում։

_Սոուս պատրաստել սոյայի սոուսով, շաքարավազով, ավելացնել քնջութի յուղը։ Այս սոուսը պետք է լցնել քաբաբիկների վրա՝ 2-3 րոպեն մեկ։

_Փայտե շամփուրների վրա հերթով դնել կոլոլակ և պրաս։ Շամփուրների երկարությունը կախված է թավայի չափից։ Ես ստիպված էի կտրել դրանք:

_Պրասով կոլոլակներից շամփուրները դնել կարագով տաքացրած տապակի մեջ։

_Տապակել 5 րոպե՝ յուրաքանչյուր կողմից, 2-3 րոպեն մեկ լցնել սոուսը։

_Մատուցելիս դրանց վրա ցանել սև և սպիտակ քնջութի սերմեր։ Մատուցել տերիյակի սոուսով։

Բարի ախորժակ:

Տեսանյութ

Քյուֆթա պատրաստելու 2 տարբերակ