Նռան հատիկներով պատրաստված խոզի միսը ջեռոցում անհամեմատելի և շատ համեղ է։ Այս նախուտեստը հաճելի ու համեղ է և՛ տաք, և՛ սառը վիճակում, հիանալի համադրվում է տարբեր կողմնակի ուտեստների և աղցանների հետ:
Միսը ջեռոցում. Անհրաժեշտ բաղադրիչները
_Խոզի միս 1 կգ
_Սոխ 1 հատ
_Նուռ 1 հատ
_Աղ, պղպեղի խառնուրդ՝ ըստ ճաշակի
_Համեմունքներ, անուշաբույր կանաչիներ՝ ըստ ճաշակի
_Կարագ 20 գր
Միսը ջեռոցում. Պատրաստման եղանակը
_Միսը լվանալ և թղթե սրբիչներով չորացնել, կտրատել, ցանկացած չափի կտորներով։
_Մսի կտորները համեմել աղով, պղպեղի խառնուրդով, տարբեր համեմունքներով և անուշաբույր կանաչիներով, որոնցով սովորաբար մարինացնում եք միսը։
_Վերցնել մի մեծ սոխ կամ մի քանի կտոր և կտրատել օղակներով:
_Նուռը մաքրել, հատիկներն առանձնացնել։
_Վերցնել մաքուր մեկուկես լիտրանոց ապակե տարա և շերտերով շարել բոլոր մթերքները՝ միսը, սոխը և ցանել նռան հատիկները։
_Վրան մի կտոր կարագ դնել, ծածկել փայլաթիթեղով։
_Տարան դնել սառը ջեռոցի մեջ, միացնել 180 աստիճանով և թողնել եփվի մոտ 1,5 ժամ։
_Երբ պատրաստ լինի, ջեռոցն անմիջապես չբացեք, այլ թողեք 5 րոպե, որպեսզի տարան չպայթի ջերմաստիճանի տարբերությունից։
_Հետո բացել դուռը և թողնել այդպես 20 րոպե մնա։ Դրանից հետո արդեն կարող եք մատուցել:
Այսպիսի փափուկ, բուրավետ և նուրբ միս՝ նռան օրիգինալ թթվայնությամբ, հաստատ դեռ չեք փորձել:
Բարի ախորժակ:
Տեսանյութ
Սթեյք սպանախի սոուսով