Միսը ջեռոցում. Փափուկ, համեղ ընթրիք

Անչափ համեղ միսը ջեռոցում հիանալի է ստացվում, այն կարելի է եփել հենց հիմա կամ նույնիսկ տոներին:

Միսը կարծես կրակի վրա եփած լինի, նուրբ է, հյութալի, անուշաբույր։ Բաղադրատոմսը բավականին պարզ է, բայց վստահեցնում եմ, որ այսպիսի եղանակով միս շատ անգամ կպատրաստեք։

Միսը ջեռոցում. Անհրաժեշտ բաղադրիչները

_Խոզի միս 1 կգ

_Սոխ 700 գրամ

_Աղ, պղպեղ՝ ըստ ճաշակի

_Համեմունք մսի համար՝ ըստ ճաշակի

Սոխի մարինադի համար

_Շաքարավազ 2 ճաշի գդալ

_Քացախ 4 ճաշի գդալ

_Աղ՝ ըստ ճաշակի

_Եռման ջուր

Ջեռոցում թխելու տոպրակ

Միսը ջեռոցում. Պատրաստման եղանակը

_Միսը մանր կտրատել և թակել։

_Մեկ սոխը քերիչով անցկացնել, ավելացնել մսի վրա, աղ ու պղպեղ անել ու ձեռքերով լավ խառնել։

_Մյուս սոխը կտրատել փոքր կիսաօղակներով։ Վրան լցնել եռման ջուր, ավելացնել աղ, շաքարավազ և քացախ։ Խառնել և թողնել, որ ամբողջովին սառչի։

_Ջեռոցում թխելու տոպրակի մեջ լցնել սոխը, որը նախապես պետք է քամել։

_Դնել մսի կտորները և խառնել տոպրակի մեջ, կապել  տոպրակը և մի քանի տեղից փայտիկով ծակել, որպեսզի չպայթի ջեռոցում թխվելիս։

_Նույն կերպ պետք է կարտոֆիլը պատրաստել։ Կտրել խորանարդներով, ավելացնել գազար, պղպեղ, սոխ, աղ և ամեն ինչ լցնել ջեռոցի տոպրակի մեջ:

_Տոպրակները դնել ջեռոցի տապակի վրա և դնել 180 աստիճան տաքացրած ջեռոցը 1-1,5 ժամ։

Ստացվում է միսը ինչպես կրակի վրա: Սուպեր համ:

Բարի ախորժակ:

Տեսանյութ

Անհավանական համեղ տավարի միս