Մսով գուլյաշ. Հին բաղադրատոմսով այս ուտեստը կհիշեցնի ձեր մանկությունը

Մսով գուլյաշ. Քնքուշ և համեղ միսը հարմար է ընտանեկան երեկոների համար:

Այս ուտեստը ուտում էինք մանկապարտեզում, կարծում ենք, որ ձեզ նույնպես դուր կգա դասական բաղադրատոմսը: Երբ տատիկիս խոհարարական գրքում գտա այս նկարագրությունը, որոշեցի անպայման պատրաստել և արդյունքն ինչ շատ դուր եկավ:

Հիմա ես հաճախ եմ պատրաստում գուլյաշ իմ երեխաների համար:

Մսով գուլյաշ. Անհրաժեշտ բաղադրիչները

_Տավարի միս  0.5 կգ

_Գլուխ սոխ 1 հատ

_Գազար 1 հատ՝ ըստ ցանկության

_Ալյուր 1 ճաշի գդալ

_Տոմատի մածուկ 1 թեյի գդալ

_Թթվասեր 1 ճաշի գդալ

_Դափնու տերև 1 հատ

_Աղ՝ ըստ ճաշակի

Մսով գուլյաշ. Պատրաստման եղանակը

_Կտրել միսը փոքր կտորներով, թեթև տապակել մոտ 1 րոպե, որից հետո եփել սոխի և քերած գազարի հետ միասին՝ իրենց սեփական հյութով, թույլ կրակի վրա:

_Թավայի մեջ ավելացնել մի փոքր բուսական յուղ և մի քիչ ջուր:

_Եփել այնքան ժամանակ, մինչև միսը փափկի: Միսը պետք է թեթևակի ծածկվի արգանակով:

_Մսի եփվելուց 10 րոպե առաջ ավելացնել աղը, դափնու տերը և կարող եք 3 հատիկ պղպեղ գցել:

_Միսը որպես կանոն պետք է եփել մոտ մեկ ժամ, ոչ պակաս (եթե դա տավարի կամ խոզի միս է, ոչ թե հավի): Պատրաստ լինելը ստուգել դանակով կամ պատառաքաղով:

_Այնուհետև կես բաժակ տաք ջրի մեջ լուծել 1 թեյի գդալ տոմատի մածուկ, մի գդալ ալյուր և  մի գդալ թթվասեր:

_Պատառաքաղով լավ խառնել բաժակի մեջ, որպեսզի գնդիկներ չլինեն: Անընդհատ խառնելով և ավելացնել խառնուրդը ուտեստին:

_Կերակուրն աչքի առաջ կսկսի թանձրանալ, մի փոքր եփել (5-10 րոպե): Այժմ արդեն միսը պատրաստ է:

Եթե սոուսը չափազանց թանձր ստացվի, կարող եք եռման ջրով նոսրացնել ցանկալի աստիճանի:

Մատուցել գուլյաշ կարտոֆիլի պյուրեով կամ շիլայով:

Բարի ախորժակ բոլորին:

Տեսանյութ

Հավի մսով կրեմ ապուր