Նուրբ և հյութալի մսով կարկանդակներ պատրաստեք տոնական սեղանի համար:
Դուք կստանաք ախորժելի և հագեցնող ուտեստ, որը կզարմացնի բոլոր հյուրերին։
Մսով կարկանդակներ. Անհրաժեշտ բաղադրիչները
_Ջուր 200 մլ
_Կաթ 200 մլ
_Խմորիչ 7 գր
_Ձու 1 հատ
_Աղ՝ ըստ ճաշակի
_Ալյուր 700 գր
_Կարագ 150 գր
Միջուկի համար
_Աղացած միս 500 գր
_Սոխ 3 հատ
_Աղ, պղպեղ, համեմունքներ, կանաչիներ՝ ըստ ճաշակի
_Բուսական յուղ 50 մլ
_Դեղնուց և կաթ՝ քսելու համար
Մսով կարկանդակներ. Պատրաստման եղանակը
_Ձուն հարել և լցնել տաք կաթի և տաք ջրի խառնուրդի մեջ։
_Լցնել խմորիչը և խառնել։
_Ալյուրը մաղել և չափաբաժիններով լցնել հիմքի վրա, ստանալ փափուկ և ճկուն խմոր։
_Խմորը ծածկել և թողնել տաք տեղում՝ 40-60 րոպե։
_Աղացած միսը համեմել մանր կտրատած սոխով, աղով, պղպեղով, համեմունքներով և մանր կտրատած սամիթով։
_Խմորը բաժանել կտորներով և գրտնակել բարակ շերտերով, քսել կարագ, դնել իրար վրա և գրտնակել շերտով։
_Խմորը ծալել և բաժանել մասերի։
_Յուրաքանչյուր կտորից պատրաստել մեկական բաժակ՝ բարձր կողքերով, մեջը դնել միջուկը, սեղմել գագաթները:
_Դնել յուղաթղթով ծածկված ջեռոցի տապակի վրա և վրան քսել հարած դեղնուցի և կաթի խառնուրդով։
_Թխել 200 աստիճան ջերմաստիճանում մոտ 20-30 րոպե։
Կարկանդակներն այնքան նուրբ ու եթերային են, որ պարզապես հալչում են բերանում։ Կարող եք միջուկը փոխել ձեր ցանկությամբ և ամեն անգամ նոր նախուտեստ պատրաստել։
Բարի ախորժակ:
Տեսանյութ
Կարկանդակ ջեռոցում
