Մսով կարկանդակ. Իսպանական խոհանոցի նրբահամ ուտեստ կարծում ենք ձեր հյուրերին էլ այն շատ դուր կգա

Ներկայացնում ենք Մսով կարկանդակի բաղադրատոմս, որը հագեցնող է, համեղ և շատ արագ է պատրաստվում:

Մսով կարկանդակ. Անհրաժեշտ բաղադրիչները

_Աղացած տավարի միս 300 գր

_Ձիթապտղի յուղ 2-3 ճաշի գդալ

_Աղ՝ ըստ ճաշակի

_Սխտոր 2 պճեղ

_Սոխ 1 հատ

_Կոշտ պանիր 75 գր

_Սպիտակ գինի 100 մլ

_Շերտավոր խմոր 150 գր

_Ձվի դեղնուց՝ քսելու համար

Մսով կարկանդակ. Պատրաստման եղանակը

_Մաքրել սոխը և մանր կտրատել։ Տապակի մեջ տաքացնել ձիթապտղի յուղը, ավելացնել աղացած միսը, կտրատած սոխը և տապակել 5 րոպե՝ խառնելով։

_Այնուհետև ավելացնել մանր կտրատած սխտորը և տապակել ևս 1-2 րոպե, ավելացնել չոր սպիտակ գինին և տապակել աղացած միսը:

_Գինին պետք է ամբողջությամբ գոլորշիանա, որից հետո թողնել միջուկը սառչի սենյակային ջերմաստիճանում։

_Ալյուր ցանած սեղանի վրա գրտնակել շերտավոր խմորի մի շերտը, վրան լցնել միջուկը, խմորի եզրերը (2 սմ) ազատ թողնել։ Վրան ցանել մանրացված պանիրը։

_Խմորի երկրորդ շերտը գրտնակել և կտրատել անկյունագծով շերտերով։ Խմորի շերտերը անկյունից սկսած՝ շարել կարկանդակի վրա, ամրացնելով տակի շերտի եզրերը։

_Վրան հարած դեղնուց քսել և թխել 200 աստիճան տաքացրած ջեռոցում 25-30 րոպե։

Բարի ախորժակ:

Տեսանյութ

Պիրոգ ֆրանսիական Քիշ Լորեն