Մսով ջեռեփուկը ստացվում է շատ հյութեղ և անուշաբույր: Անհրաժեշտ չէ դրա վրա շատ չարչարվել, ինչպես կոտլետների դեպքում, պետք է պարզապես խառնել ամեն ինչ և շարել ձևամանի մեջ, դնել ջեռոցում, որ թխվի:
Մսով ջեռեփուկ. Անհրաժեշտ բաղադրիչները
_Աղացած միս 600 գ
_Դդմիկ 200 գ
_Լոլիկ 1 հատ
_Կանաչ սոխ և կանաչիներ՝ ըստ ճաշակի
_Պանիր 90 գ
_Պաքսիմատ 2 ճաշի գդալ
_Աղ և պղպեղ՝ ըստ ճաշակի
Մսով ջեռեփուկ. Պատրաստման եղանակը
_Քերել դդմիկը խոշոր քերիչով:
_Կտրատել կանաչիները և կանաչ սոխը:
_Աղացած միսը վերցրեք ձեր ճաշակով, խառնել դդմիկի, կանաչ սոխի և կանաչիների, պաքսիմատի հետ:
_Զանգվածին աղ և պղպեղ անել, ավելացնել տարբեր համեմունքներ և, եթե ցանկանում եք, նաև ճզմած սխտոր:
_Ձևամանը յուղել բուսական յուղով և զանգվածը դնել մեջը, հարթեցնել այն:
_Պետք է թխել 200 աստիճանում մոտ 20 րոպե:
_Վրան դնել լոլիկի կտորներ և լցնել քերած պանիր:
_Այժմ եփել ևս 15 րոպե և սեղանին մատուցել տաք վիճակում, տարբեր կողմնակի ուտեստներով:
Կարող եք սառեցնել և բաժիններով կտրել, մատուցել խաշած երիտասարդ կարտոֆիլով կամ կարտոֆիլի պյուրեով, համեղ է նաև խաշած բրնձով և թարմ բանջարեղենային աղցաններով:
Բարի ախորժակ:
Տեսանյութ
Ամենաարագ և համեղ ընթրիքը
