Համեղ, տաք, մսով ջեռեփուկը նուրբ է և անուշաբույր: Այս կերակուրը պատրաստելու համար կարող եք վերցնել ցանկացած միս ձեր ընտրությամբ:
Որպես կողմնակի ճաշատեսակ՝ խորհուրդ եմ տալիս կարտոֆիլը տապակել կամ ուղղակի խաշել։
Մսով ջեռեփուկ. Անհրաժեշտ բաղադրիչները
_Խոզի միս 600 գր
_Աղ, պղպեղ, համեմունքներ՝ ըստ ճաշակի
_Անուշաբույր կանաչիներ, սուսամբար՝ ըստ ճաշակի
_Լոլիկ 2 հատ
_Սոխ 2 հատ
_Մոցարելլա կամ այլ պանիր 200 գր
_Թթվասեր կամ մայոնեզ՝ 100 գր
Մսով ջեռեփուկ. Պատրաստման եղանակը
_Միսը չափաբաժիններով կտրատել և մարինացնել աղով, պղպեղով և համեմունքներով և խառնել։
_Ջեռոցի տապակը քսել բուսական յուղ և դնել թակած մսակտորները:
_Մսին մայոնեզ քսել, կարելի է ցանել սուսամբար կամ այլ անուշաբույր կանաչիներ։
_Վրան դնել բարակ կիսաօղակներով կտրատած սոխը և լոլիկի շրջանակները:
_Ցանել քերած պանիր։
_Թխել 180 աստիճան ջերմաստիճանում մոտ 30 րոպե։
Ճաշատեսակը շատ հյութեղ, նուրբ ու բուրավետ է ստացվում։
Այն պետք է անմիջապես մատուցել, ուստի նախօրոք մտածեք կողմնակի ճաշատեսակի մասին, որպեսզի ունենաք համեղ ընթրիք։
Բարի ախորժակ:
Տեսանյութ
Ջեռեփուկ տավարի մսով
