Մսով ռուլետ ձվով. Հյութալի և անչափ ախորժելի նախուտեստ

Սա, թերևս, ամենապարզ բաղադրատոմսերից մեկն է, որով կարող եք պատրաստել Մսով ռուլետ ձվով: Այն շատ ախորժելի և նույնիսկ տոնական տեսք ունի։

Ես հաճախ պատրաստում եմ այս ռուլետը խանութից գնված երշիկների կամ խոզապուխտի փոխարեն։ Այս դեպքում կարևորն այն է, որ ես հստակ գիտեմ, թե ինչից է այն պատրաստված։

Այս հյութալի մսով ռուլետի համը չի զիջում անգամ ռեստորանային դելիկատեսներին։ Փորձում եմ գեղեցիկ մատուցել՝ հազարի տերևների մեջ և չերի լոլիկի հետ։ Իսկ փոփոխության համար աղացած մսի մեջ լրացուցիչ լցնում եմ մանր կտրատած գազար ու կանաչի։

Խորհուրդ եմ տալիս ձեր ժամանակից կես ժամ հատկացնել, որպեսզի հետո ամբողջ օրը վայելեք բնական, համեղ ուտելիք:

Մսով ռուլետ ձվով. Անհրաժեշտ բաղադրիչներ

_Խոզի աղացած միս 350 գ

_Ձու 2 հատ

_Սոխ 1 հատ

_Սխտոր 2 պճեղ

_Աղ՝ ըստ ճաշակի

_Սև պղպեղ (աղացած) ըստ ճաշակի

Մսով ռուլետ ձվով. Պատրաստման եղանակը

_Ձվերը պինդ եփել։ Պատրաստել աղացած միսը։

_Սոխը մանր կտրատել։ Սխտորն անցկացնել մամլիչով։

_Աղացած մսի մեջ ավելացնել սոխը, սխտորը և մանրակրկիտ խառնել։ Համեմել աղով և պղպեղով ըստ ճաշակի։

_Միսը փայլաթիթեղի վրա ուղղանկյունի ձևով տարածել: Շերտի հաստությունը՝ մոտ 1-1,5 սմ պիտի լինի, մեջտեղում իրար կպած դնել հավի ձվերը և զգուշորեն ոլորել ռուլետը։

_Ստացված ռուլետը պինդ փաթաթել փայլաթիթեղով և դնել թխելու 25-30 րոպե՝ 190 աստիճան ջերմաստիճանում։

_Պատրաստ լինելուց 10 րոպե առաջ փայլաթիթեղը բացեք, որպեսզի ոսկեգույն կեղև ստացվի:

Երբ ռուլետը պատրաստ լինի, սպասեք, մինչև այն սառչի և կտրեք մասերի։

Խորհուրդ. Սովորաբար սոխը մանրացնում եմ մսաղացով կամ բլենդերով, հետո այն գործնականում չի զգացվում աղացած մսի մեջ ու մնում է միայն բույրը։ Բայց այս դեպքում շատ հաճելի կլինեն սոխի փոքրիկ կտորները։

Բարի ախորժակ:

Տեսանյութ

Հավով ռուլետ