Մսով ռուլետ սնկի լցոնով. Տոնական սեղանի կենտրոնում անպայման պետք է լինի անուշաբույր տաք միս

Խորհուրդ եմ տալիս պատրաստել Մսով ռուլետ սնկի լցոնով, որն անպայման կտպավորի հյուրերին։

Այս նրբագեղ ուտեստը պատրաստելու համար շատ ժամանակ չի պահանջվում։ Դուք կծախսեք 20-30 րոպե, իսկ մնացածը ջեռոցը կանի ձեր փոխարեն։ Մսի ու սնկի համադրությունը միշտ ախորժելի է և ուրախացնում է ուտողներին։ Կարող եք օգտագործել տավարի կամ խոզի միս: Գլխավորն այն է, որ ջեռոցում թխվող ռուլետի միսը լինի թարմ և որակյալ։

Ջեռոցում Մսով ռուլետը տաք ուտեստ է մեծ ընկերության համար: Նույնիսկ եթե ձեր խնջույքը նախատեսված է փոքր թվով մարդկանց համար, մի շտապեք նվազեցնել բաղադրիչների քանակը։ Անգամ հաջորդ օրը ուտեստը շատ համեղ կլինի որպես սառը խորտիկ։

Մսով ռուլետ սնկի լցոնով. Բաղադրիչներ

_ Միս 2 կգ

_ Սխտոր 4 պճեղ

_ Աղ ըստ ճաշակի

_ Սև պղպեղ (աղացած) ըստ ճաշակի

_Համեմ ըստ ճաշակի

_ Սոխ 2 հատ

_ Շամպինիոններ 300 գ

_ Կարագ ըստ ճաշակի

_ Արևածաղկի ձեթ ըստ ճաշակի

_ Շաքարավազ 1 պտղունց

Մսով ռուլետ սնկի լցոնով. Պատրաստման եղանակը

_ Մսի կտորը կտրել, որպեսզի շերտ ստացվի։

_ Մսին ցանել աղ, պղպեղ, համեմ և աղացած սխտոր: Միսը փաթաթել և թողնել 1-2 ժամ սենյակային ջերմաստիճանում կամ ողջ գիշեր՝ սառնարանում։

_ Սոխը մանր կտրատել, տապակել թավայի մեջ՝ արևածաղկի և կարագի խառնուրդով, շաքարավազի հետ, մինչև կարամելի գույնը։

_ Այդ ընթացքում սունկը կտրատել և սոխից առանձին տապակել մինչև ոսկե դարչնագույնը:

_ Միսը բացում ենք, վրան սոխ ու սունկ քսում ու նորից ռուլետը փաթաթել։

_ Ռուլետն ամուր կապել այնպես, որ այն պահպանի իր ձևը։

_ Մսի ռուլետի վրա քսել փափկած կարագ, դնել խոհարարական տոպրակի մեջ, որի վրա կտրվածք անել, որպեսզի օդը դուրս գա։

_ Թխել 1,5-2 ժամ 180 ° C ջերմաստիճանում:

Ցանկության դեպքում կարող եք պանիր ավելացնել ռուլետի միջուկին։ Այսպիսով, ուտեստն էլ ավելի ախորժելի ու համեղ կլինի։ Պարզապես կոշտ կամ կիսակոշտ պանիրն անցկացնել խոշոր քերիչով և ավելացնել ռուլետի միջուկի մնացած մասի հետ։

Բարի ախորժակ:

Տեսանյութ

Խոզի միսը ջեռոցում