Մսով սմբուկներ. Կոտլետների փոխարեն կարելի է պատրաստել այս հագեցնող խորտիկը

Աղացած մսով սմբուկներ պատրաստեք՝ ​​պաքսիմատով: Կերակուրը ոչ միայն շատ ախորժելի ու հագեցնող է, այլ նաև՝ գեղեցիկ։ Այս նախուտեստը կարող եք պատրաստել ցանկացած առիթի համար։

Մսով սմբուկներ. Անհրաժեշտ բաղադրիչները

_Սմբուկ 2 հատ

_Աղացած միս 400 գր

_Պանիր 100 գր

_Ձու 3 հատ

_Պաքսիմատ 1 բաժակ

_Ալյուր 3 ճաշի գդալ

_Համեմունքներ, աղ, անուշաբույր կանաչիներ՝ ըստ ճաշակի

Մսով սմբուկներ. Պատրաստման եղանակը

_Սմբուկը երկայնքով կտրատել, պատառաքաղով քերել, համեմել աղով, տարբեր համեմունքներով ու անուշաբույր կանաչիներով։

_Աղացած միսը խառնել աղի և համեմունքների, կանաչիների հետ և հունցել։

_Շերտերի վրա հավասար շերտով քսել աղացած միսը։

_Ձվերը հարել աղով և պղպեղով։

_Քերած պանիրը խառնել ձվի հետ, ավելացնել համեմունքներ և խառնել։

_Աղացած մսով ծածկված սմբուկը թաթախել ալյուրի մեջ, ապա՝ պաքսիմատի և վերջում թաթախել ձվի-պանրի զանգվածի մեջ։

_Տապակել բուսայուղի մեջ, մինչև ոսկե դարչնագույնը երկու կողմից՝ մարմանդ կրակի վրա, որպեսզի մսի միջուկը լավ տապակվի։

_Սմբուկները կարելի է 5 րոպե եփել կափարիչով ծածկված, որպեսզի աղացած միսը շոգեխաշվի։

_Այսպիսի մսով սմբուկների համար կարող եք պատրաստել թթվասերով կամ մայոնեզով սոուս սամիթով և սխտորով:

Բարի ախորժակ:

Տեսանյութ

Յուրահատուկ սմբուկով ուտեստ