Ես փորձեցի այս Մսով վարդը շատ տարիներ առաջ և ինձ շատ դուր եկավ: Այդ ժամանակվանից հաճախ եմ այն պատրաստում տարբեր առիթներով:
Մսով վարդ. Անհրաժեշտ բաղադրիչները
_Ձու 1 հատ
_Տաք ջուր 100 գր
_Ալյուր 200 գր
_Աղ՝ ըստ ճաշակի
Միջուկի համար
_Աղացած միս 500 գր
_Սոխ 150 գր
_Սառցե ջուր 100 գր
_Աղ, պղպեղ, համեմունքներ՝ ըստ ճաշակի
_Կանաչիներ՝ ըստ ճաշակի
Մսով վարդ. Պատրաստման եղանակը
_Ալյուրը մաղել և մի մասը խառնել աղի, ձվի և տաք ջրի հետ։
_Փափուկ խմոր հունցել՝ ավելացնելով մնացած ալյուրը։
Հուշում. ալյուրը կարող է մի քիչ ավելի շատ պահանջել, բայց խմորը շատ մի հունցեք:
_Սոխը մանր կտրատել և խառնել աղացած մսի հետ։
_Աղացած մսին ավելացնել աղ, պղպեղ, համեմունքներ, կանաչիներր և սառցե ջուր։
_Զանգվածը հարել, մինչև հարթվի, միջուկը կլինի ջրիկ, բայց հյութալի։
_Խմորը գրտնակել ալյուր ցանած սեղանի վրա՝ ուղղանկյուն շերտով։
_Աղացած միսը հավասար շերտով քսել, մի կողմից խմորի եզրին մոտ 4 սմ չքսել։
_Ռուլետ փաթաթել, կտրատել փոքր չափի կտորներով։
_Կարագը հալեցնել տապակի մեջ և կարելի է մի փոքր բուսայուղ խառնել։
_Տապակել կտորները 1-2 րոպե՝ յուրաքանչյուր կողմից:
_Եռման ջուրը լցնել տապակի մեջ այնպես, որ ռուլետները գրեթե ծածկվեն ջրով և եփել կափարիչով ծածկված՝ մոտ 20 րոպե։
_Մատուցելիս ցանել թարմ կանաչիներ։
_Դուք կարող եք չտապակել, այլ անմիջապես դնել տապակի մեջ և եփել ջրով:
Բարի ախորժակ:
Տեսանյութ
Հավի ռուլետ
