Մսով տաք ռուլետ. Սա իսկական փրկություն է բոլոր առիթների համար
Անպայման որևէ առիթով պատրաստեք տաք ռուլետ աղացած մսով: Ստացվում է շատ հյութալի, համեղ և գեղեցիկ ուտեստ:
Ռուլետը համեղ է ինչպես տաք, այնպես էլ սառը վիճակում:
Մսով տաք ռուլետ. Անհրաժեշտ բաղադրիչներ
_Բարակ լավաշ 2 հատ
_Աղացած խոզի միս 500 գ
_Սոխ 1 հատ
_Գազար 1 հատ
_Ձու 1 հատ
_Սխտոր 2 պճեղ
_Մաղադանոս, կանաչիներ՝ ըստ ճաշակի
_Սառը ջուր 30 մլ
_Պանիր 100 գ
_Պանիր 50 գ՝ վրան շաղ տալու համար
_Աղ՝ ըստ ճաշակի
_Աղացած սև պղպեղ` ըստ ճաշակի
_Բուսական յուղ
_Մայոնեզ 50 գ
_Թթվասեր 50 գ
Մսով տաք ռուլետ. Պատրաստման եղանակը
_Մանր կտրատել սոխը, ապա տապակեք բուսական յուղի մեջ մինչև բաց դարչնագույն երանգը:
_Գազարը քերել խոշոր քերիչով, քերած գազարն լցնել սոխի վրա և տապակել 5 րոպե:
_Աղացած մսին ավելացնել տապակած բանջարեղենը և ամեն ինչ մանրակրկիտ խառնել: Հետո մեջը լցնել ջուրը, կոտրել ձուն, ավելացնել աղ և պղպեղ`ըստ ճաշակի:
_Այնուհետև ավելացնեք մանր կտրատած կանաչիները, սխտորը քերել մանր քերիչով, ամեն ինչ մանրակրկիտ խառնեք:
_Այժմ պատրաստենք սոուսը, դրա համար պետք է խառնել մայոնեզը և թթվասերը:
_Հիմա պետք է հավաքել ռուլետը: Լավաշի մի շերտի վրա քսել պատրաստված սոուսը, երկրորդ լավաշը դնել դրա վրա և միջուկը դնել այս լավաշի շերտի վրա:
_Միջուկը տարածել հավասարաչափ, վրան քսել սոուս, հետո շաղ տալ քերած պանիր:
_Հիմա մի եզրից ոլորելով ձևավորել հնարավորինս պինդ գլան, որը պետք է կիսել 2 հավասար մասի:
_Ռուլետները տեղափոխել բուսական յուղով յուղած տապակի վրա:
_Դնել 180 աստիճան տաքացրած ջեռոցում՝ 30 րոպե թխվելու:
_Այնուհետև հանել ջեռոցից, վրան քսել սոուսով, նորից դնել ջեռոցը՝ 10-15 րոպե:
_Մնում է մանր քերիչով քերած պանիրը շաղ տալ ռուլետների վրա և վերջնական պատրաստելու դնել ջեռոցում ևս 5 րոպե:
Աղացած մսով տաք ռուլետը պատրաստ է:
Չքնաղ համ ու գեղեցկություն. պարզապես ավելի լավ բաղադրատոմս չեք գտնի: Անհավանական համեղ և հյութալի գլանափաթեթը դառնում է իսկական գայթակղություն:
Բարի ախորժակ
Տեսանյութ
Լավաշով ռուլետ