Յուրահատուկ կարկանդակներ ջեռոցում. Այս եղանակով կարելի է հաճախ կարկանդակներ պատրաստել ամբողջ ընտանիքի համար: Ջեռոցում պատրաստված կարկանդակները հաճելի նախուտեստ են, կարող են հարմար լինել նախաճաշի կամ ընթրիքի համար:
Այս կարկանդակների ձևն անսովոր է, կարելի է ասել նույնիսկ բացառիկ, դրանք պատրաստելու հատուկ ձև կա:
Խմորի հետ կապված ոչ մի բարդությոն չկա, ամեն ինչ շատ պարզ է: Այս կարկանդակները երկար ժամանակ չեն հնանում, դրանք շատ համեղ են ստացվում, փորձեք, չեք զղջա:
Содержание
Յուրահատուկ կարկանդակներ. Բաղադրիչներ
- Կաթ 200 մլ (գոլ)
- Կենդանի խմորիչ 20 գ, կամ չոր խմորիչ 11-12 գ
- Շաքարավազ 3 ճաշի գդալ
- Աղ 1 թեյի գդալ
- Վանիլին դանակի ծայրով
- Ձվի դեղնուց 2 հատ
- Կարագ 100 գ (հալված)
- Մաղած ալյուր 3,5 բաժակ
- Լցոն` ըստ ձեր նախընտրության 200-300 գ
Յուրահատուկ կարկանդակներ. Քայլ առ քայլ բաղադրատոմս
- Լցնել տաք կաթը խորը ամանի մեջ, ավելացնել խմորիչը, շաքարավազը, աղը, վանիլինը, դեղնուցը, կարագը և ալյուրը:
- Խառնել ամեն ինչ մանրակրկիտորեն: Արդյունքում ստացված խմորը հանել ամանից, ձեռքերով հունցում, խմորը պետք է ստացվի հարթ ու փափուկ, ծածկել այն սրբիչով և դնել 1 ժամ տաք տեղում:
- 1 ժամ անց խմորը հանել, կրկին հունցել այն, այնուհետև ձեռքերը յուղել բուսական յուղով, իսկ խմորը երկարուկ ձգել պարանի նման, բաժանել բաժինների: Ծածկել սրբիչով և թող մնա 5-10 րոպե:
- Ձևավորել կարկանդակը, դնել լցոնը, ամրացնել եզրերը և կարկանդակը ձևավորում երշիկի տեսքով:
- Վերցնել կտրատված յուղաթուղթը, վրան քսել բուսական յուղ, կարկանդակը դնել թղթի եզրին և փաթաթել թղթով մինչև վերջ, այնուհետ դրանք թղթի կարը ներքև` շարել տապակի վրա:
- Թխել 230-240 աստիճան տաքացած ջեռոցում 35 րոպե:
Յուրահատուկ կարկանդակները պատրաստ են:
Ստացվում է այսպիսի գեղեցկություն, արժե այն փորձել:
Բարի ախորժակ:
Տեսանյութ
Տնական կարկանդակներ