Փափուկ և համեղ յուրատեսակ կարկանդակը պատրաստվում է շոգեխաշած խմորով՝ լցոնած սպանախով և ձվով:
Սա հիանալի նախուտեստ է ճաշի կամ ընթրիքի համար:
Յուրատեսակ կարկանդակ. Անհրաժեշտ բաղադրիչները
_Տաք ջուր 200 մլ
_Աղ 0,5 թեյի գդալ
_Բուսական յուղ, 1 ճաշի գդալ
_Ալյուր 350 գր
Միջուկը պատրաստելու համար
_Սպանախ 250 գր
_Ձու 3 հատ
_Աղ պղպեղ՝ ըստ ճաշակի
_Բուսական յուղ 2 ճաշի գդալ
Յուրատեսակ կարկանդակ. Պատրաստման եղանակը
_Տաք ջրի մեջ լցնել բուսական յուղն ու աղը։
_Լցնել մաղած ալյուրը և նախ բահիկով, ապա ձեռքերով խմոր հունցել։ Ծածկել և թողնել 10 րոպե։
_Ձվերին աղ անել և հարել հարիչով։
_Ձվով նրբաբլիթ տապակել երկու կողմից, թողնել սառչի և կտրատել շերտերով, խառնել մանր կտրատած սպանախի հետ, վրան լցնել բուսայուղ, համեմել աղով և պղպեղով:
_Խմորը գրտնակել բարակ շերտով, կտրատել լայն շերտերով, ապա ուղղանկյուններով։
_Յուրաքանչյուրի վրա լցնել միջուկը և սեղմել ծայրերը ծրարի նման, ապա փաթաթել խողովակաձև։
_Տապակել գլանիկները բուսայուղով թավայի մեջ։
Նախուտեստը դրսից խրթխրթան է, ներսից՝ շատ փափուկ և հյութալի։
Միջուկները կարող են փոփոխվել ըստ ձեր ցանկության։ Շատ համեղ է ստացվում կանաչ սոխով ու ձվով, սնկով ու աղացած մսով։
Բարի ախորժակ:
