Յուրատեսակ տոլմա. Նրբահամ և դյուրամարս ուտեստ

Յուրատեսակ տոլմա անսովոր բաղադրիչներով:

Պարզվում է, որ պեկինյան կաղամբը նույնպես հիանալի է աղացած մսով ուտեստների համար: Ստացվում է անսովոր, բայց շատ համեղ կերակուր:

Յուրատեսակ տոլմա. Անհրաժեշտ բաղադրիչները

_Պեկինյան կաղամբ

_Հավի կրծքամիս 2 հատ

_Սոխ 1 հատ

_Ձու 1 հատ

_Աղ, պղպեղ

_Կանաչիներ

_Թթվասեր 100 մլ

_Սխտոր 2 պճեղ

_Լոլիկի մածուկ կամ կետչուպ 100 մլ

_Ջուր 150-200 մլ

Յուրատեսակ տոլմա. Պատրաստման եղանակը

_Հավի փափկամիսը և սոխը կտրատել և մանրացնել բլենդերով:

_Լավ է վերցնել հնարավորինս շատ կանաչիներ, այսպես ստացվում է շատ ավելի համեղ:

_Աղացած մսին կանաչիներ խառնել:

_Կաղամբը կտրել երկու մասի և մանր կտրատել, ավելացնել աղացած մսին և խառնել:

_Աղացած մսին ավելացնել սխտոր (կարող եք քերել կամ ճզմել մամլիչով):

_Ավելացնել ձու, աղ, պղպեղ և այլ համեմունքներ: Ձեռքերով հունցել աղացած միսը:

_Ջեռոցի տապակը յուղել բուսական յուղով:

_Թաց ձեռքերով մսով ռուլետներ ձևավորել, կամ տալ ցանկացած ձև:

_Սոուսի համար թթվասերը խառնել տոմատի մածուկի կամ կետչուպի հետ:

Խորհուրդ. Եթե թթվասեր չունեք, կարող եք օգտագործել բնական մածուն:

_Աղ ու պղպեղով սոուսը համեմել և լցնել ջրի մեջ, խառնել և հեղուկը լցնել կոտլետների վրա:

_Ջեռոցը տաքացնել 190 աստիճանով և եփել մոտ 40 րոպե:

Մատուցելիս վրան ցանել մանր կտրատած կանաչ սոխ և կանաչիներ:

Յուրատեսակ տոլման պատրաստ է:

Բարի ախորժակ:

Տեսանյութ

Թփով տոլմա