Նուրբ ջեռեփուկ. Ի՞նչը կարող է ավելի լավ լինել, քան կրկնակի թխած կարտոֆիլը
Կարտոֆիլով թթվասերով և պանրով ջեռեփուկը ոչ միայն համեղ ընթրիք է, այլև հիանալի տոնական ուտեստ: Եթե ուտեստից կտորներ են մնում, դրանք կարելի է ուտել 3 օրվա ընթացքում կամ պահել սառնարանում մինչև 3 ամիս:
Այս ջեռեփուկն իդեալական է սառեցման համար, քանի որ կարագը, թթվասերը և կաթը օգնում են պահպանել կայունությունը:
Կերակուրը նորից տաքացնելու համար դրեք այն միկրոալիքային վառարանում և տաքացրեք 5 րոպե միջին հզորությամբ:
Նուրբ ջեռեփուկ. Անհրաժեշտ բաղադրիչները
- Կարտոֆիլ 6 հատ
- Աղ 1,5 թեյի գդալ
- Սև պղպեղ (աղացած) 0.25 թեյի գդալ
- Կարագ 60 գ
- Թթվասեր 125 մլ
- Կանաչ սոխ 5 հատ
- Չեդեր պանիր 200 գր
- Խոզապուխտ՝ ըստ ճաշակի
Նուրբ ջեռեփուկ. Պատրաստման եղանակը
- Կարտոֆիլը մանրակրկիտ լվանալ և թխել փայլաթիթեղի մեջ, մինչև փափկեն: Պալարները մի փոքր սառեցնել, մեջտեղից կիսել և միջուկը գդալով քերել խորը ամանի մեջ:
- Համեմել աղով, պղպեղով, հալված կարագով և 100 գր քերած չեդեր պանրով: Դանդաղ արագությամբ հարել հարիչով:
- Լցնել տաքացրած կաթը, կրկին հարել: Ավելացնել թթվասեր և կես փունջ մանր կտրատած կանաչ սոխ, խառնել:
- Կարտոֆիլի զանգվածը լցնել բարձր կողմերով յուղած կաղապարի մեջ, ցանել մնացած քերած պանիրը, կտրատած խոզապուխտ ու կանաչ սոխ և ամանը դնել 190 աստիճանով տաքացրած ջեռոցում 15 րոպեով առանց կափարիչի, որպեսզի պանիրը լավ հալվի:
Նուրբ ջեռեփուկը պատրաստ է:
Բարի ախորժակ
Տեսանյութ
Կարտոֆիլով ջեռեփուկ