Նրբերշիկով կարկանդակի ամենաարագ և համեղ բաղադրատոմսերից մեկը։
Մածունով խմորը պատրաստվում է շատ պարզ, այն միշտ լավ է ստացվում և պատկանում է ունիվերսալ տարբերակներին, այն համադրվում է տարբեր միջուկների հետ, կարելի է տապակել թավայի մեջ և թխել ջեռոցում։
Նրբերշիկով կարկանդակ. Անհրաժեշտ բաղադրիչները
_Մածուն 300 մլ
_Ձու 1 հատ
_Բուսական յուղ 1 ճաշի գդալ
_Շաքարավազ 1 ճաշի գդալ
_Աղ 1 թեյի գդալ
_Սոդա 0,5 ճաշի գդալ
_Ալյուր մոտ 400 գր
_Նրբերշիկ 5 հատ
_Պանիր 100 գր
_Աղ, պղպեղ, համեմունքներ՝ ըստ ճաշակի
Նրբերշիկով կարկանդակ. Պատրաստման եղանակը
_Մածունը խառնել ձվի, աղի, շաքարավազի, սոդայի և բուսական յուղի հետ, լավ հարել հարիչով։
_Ալյուրը մաղել և աստիճանաբար ավելացնել զանգվածին, փափուկ և ճկուն խմոր հունցել։
_Հնարավոր է, որ ձեզ մի քիչ ավել կամ պակաս ալյուր պետք լինի, գլխավորը խմորը չպնդացնեք, որ այն մնա փափուկ և առաձգական:
_Խմորը ծածկել և թողնել 10 րոպե մնա։
_Նրբերշիկը, եփած երշիկը կամ խոզապուխտը, քերել խոշոր քերիչով պանրի հետ միասին, համեմել պղպեղով և աղով, անուշաբույր կանաչիներով՝ ըստ ճաշակի։
_Սեղանին ալյուր ցանել, խմորը դնել և բաժանել գնդիկների, ինչպես կարկանդակների դեպքում։
_Գնդիկները գրտնակել շերտով, դնել միջուկը, եզրերը սեղմել և կարկանդակներ կազմել։
_Տապակել տապակի մեջ տաք բուսայուղով, մինչև երկու կողմից եփվեն, կրակը պետք է թույլ լինի:
Այսպիսի հագեցնող ու ախորժելի կարկանդակներ մատուցում եմ թթվասերով կամ տարբեր սոուսներով, թարմ բանջարեղենով աղցանների կամ թեյի հետ։
Բարի ախորժակ:
Տեսանյութ
Ընտիր պեռաշկի
