Շամպինիոն աղացած մսով. Նրբահամ ընթրիք

Շամպինիոն աղացած մսով. Մենք այժմ ձեզ կպատմենք, թե ինչպես կարելի է հյութեղ ու բուրավետ միս թխել սնկային բնիկներում:

Ամեն անգամ ֆարշի համար միս աղալիս, հնարամիտ տանտիրուհիները փորձում են ինչ-որ բան գտնել ընտանեկան սննդակարգը բազմազանեցնելու համար և մտածում են, թե ինչ կարելի է պատրաստել ընթրիքի համար՝ վաղուց ձանձրացրած կոտլետների փոխարեն:

Սա հիանալի խորտիկ է, որը պարզ ու հեշտ է պատրաստվում: Այս խորտիկի համար սունկ գնելիս ընտրեք ավելի մեծերը: Դրանք ավելի հարմար կլինի լվանալը և լցոնելը: Անպայման փորձեք այս բաղադրատոմսը, այն կդառնա ձեր նախընտրածը:

Շամպինիոն աղացած մսով. Անհրաժեշտ բաղադրիչները

_Շամպինիոններ 9-10 հատ

_Խոզի միս աղացած 150 գ

_Սոխ 1-2 հատ

_Ձու 1 հատ

_Կարագ 20 գ

_Արևածաղկի ձեթ՝ ըստ ճաշակի

_Աղ` ըստ ճաշակի

_Սև պղպեղ (աղացած)` ըստ ճաշակի

_Մաղադանոս 0,5 փունջ

_Կոշտ պանիր 100 գ

_Թթվասեր 2 ճաշի գդալ

Շամպինիոն աղացած մսով. Պատրաստման եղանակը

_Ընտրել մեծ սնկեր, ոտիկները հեռացնել, սնկերը լավ լվանալ և չորացնել, վրան աղ ցանել:

_Լվանալ և մանրացնել սնկի ոտիկները և մաքրած սոխը:

_Սնկի գլուխները երկու կողմից 1 րոպե տապակել կարագի և արևածաղկի ձեթի խառնուրդի մեջ, ապա տապակել կտրատած սոխը և շամպինիոնի ոտիկները մինչև ոսկեգույն դառնա:

_Լվանալ, չորացնել և մանրացնել կանաչիները:

_Խորը ամանի մեջ աղացած միսը խառնել տապակած սոխի, շամպինյոնի ոտիկների, կանաչիների և հավի ձվի հետ:

_Համեմել աղով և սև պղպեղով,  ամեն ինչ լավ խառնել:

_Ստացված զանգվածով լցոնել սնկերի գլխիկները, վրան ցանել խոշոր քերիչով քերած պանիր:

_Վրան ցանել պանիր, թթվասերով ցանց նկարել և կերակուրը դնել ջեռոցը՝ 25 րոպե 180 աստիճանի տակ:

Շամպինիոնն աղացած մսով պատրաստ է:

Բարի ախորժակ:

Տեսանյութ

Ժուլյեն սնկով և հավի մսով