Պետք չէ որևէ գերբնական բան անել: Ի վերջո, Շոգեխաշած միսը պատրաստվում է գրեթե ինքն իրեն։ Այո, այո, ձեզ հարկավոր չի լինի բարդ մարինադներ պատրաստել՝ այն ավելի նրբացնելու համար: Սեփական և սոխի հյութի մեջ (առանց ջրի) եփված միսը բառացիորեն կհալչի բերանում։
Այս բաղադրատոմսով կարելի է պատրաստել ցանկացած միս՝ խոզի, տավարի, գառի։ Միակ պայմանը, որը չպետք է անտեսվի, ղազանի, չուգունի կամ այլ հաստ պատերով կաթսայի առկայությունն է։ Դրանցում ուտեստները հավասարաչափ են եփվում են և ավելի երկար են տաքությունը պահում։
Շոգեխաշած միս. Բաղադրիչներ
_Միս 1 կգ
_Սոխ 1 կգ
_Պապրիկա 0,5 թեյի գդալ
_Խմելի-սունելի 0,5 թեյի գդալ
_Աղ՝ ըստ ճաշակի
_Սև պղպեղ (աղացած) ըստ ճաշակի
_Արևածաղկի ձեթ 2 ճաշի գդալ
Շոգեխաշած միս. Պատրաստման եղանակը
_Կլպել և կտրատել ամբողջ սոխը: Միսը կտրատել միջին չափի կտորներով։
_Կաթսայի մեջ տաքացնել ձեթը, լցնել սոխը։
_Եփել այնքան, մինչև սոխը դառնա կիսաթափանցիկ և թեթև կարմրի:
_Ավելացնել աղ, աղացած սև պղպեղ, պապրիկա և խմելի- սունելի։
_Միսը լցնել սոխի վրա, խառնել։ Եփել 5 րոպե առանց կափարիչի։
_Դրանից հետո կրակը նվազագույնի հասցրեք, կաթսան կափարիչով ծածկեք։
_Թողնել եփվի 1,5 ժամ։
Կարևոր է! Պետք չէ կաթսայի մեջ ջուր լցնել։ Շոգեխաշման սկզբից 20 րոպե անց միսը շատ հյութ կթողնի և կեփվի դրա մեջ։
Պատրաստի ուտեստի մեջ սոխը գրեթե չի զգացվի, այնպես որ կարող եք այն առաջարկել նույնիսկ քմահաճ երեխաներին, ովքեր հրաժարվում են սոխից։ Մատուցեք ցանկացած փլավի կամ կարտոֆիլի պյուրեի հետ:
Փորձեք, շատ համեղ է:
Բարի ախորժակ:
Տեսանյութ
Հայկական խաշլամա
