Շքեղ ընթրիք. Հագեցնող և տոնական ուտեստ

Ախորժելի և համեղ ուտեստ, այն կարող եք հեշտությամբ պատրաստել ընթրիքի կամ տոնական սեղանի համար։ Հավը կարելի է ամբողջությամբ վերցնել և կտրատել կամ օգտագործել միայն բդիկները։

Շքեղ ընթրիք. Անհրաժեշտ բաղադրիչները

_Հավի բդիկ 6 հատ

_Կարտոֆիլ 6 հատ

_Սոխ 2 հատ

_Մածուն՝ ըստ ճաշակի

_Խմելի-սունելի, պապրիկա, աղ՝ ըստ ճաշակի

_Պղպեղ, համեմունքներ, հավի համեմունք՝ ըստ ճաշակի

_Կանաչիներ՝ ըստ ճաշակի

_Սխտոր 2 պճեղ

_Բուսական յուղ 20 մլ

Շքեղ ընթրիք. Պատրաստման եղանակը

_Հավի կտորները խառնել սոխի կիսաօղակների, աղի, պղպեղի և բոլոր համեմունքների հետ։

_Լցնել մածունը և ամեն ինչ լավ խառնել, որպեսզի միսն ամբողջությամբ մարինացվի։

_Ավելացնել կտրատած կարտոֆիլը և խառնել։

_Ծածկել կափարիչով և թողնել 2 ժամ։

_Ամեն ինչ դնել ջեռոցի տապակի մեջ և դնել ջեռոցը, եփել 180 աստիճանով, մոտ 50 րոպե։

_Որպեսզի սոխը չայրվի, կարելի է տապակի մեջ չլցնել մնացած մթերքների հետ, այլ առանձին տապակել թավայի մեջ և ավելացնել կարտոֆիլի վրա։

_Սխտորն անցկացնել ճզմիչով և խառնել ձեթի և թարմ սամիթի հետ։

_Թխելու ավարտից 5 րոպե առաջ կարտոֆիլը և միսը քսել սխտորի յուղով և եփել։

_Մատուցելիս վրան ցանել կանաչիներ և մատուցել։

Ստացվում է համեղ, անուշաբույր և շքեղ ընթրիք, որը կարելի է պատրաստել ամեն օր կամ տոնական սեղանի համար։

Բարի ախորժակ:

Տեսանյութ

Խորոված Հավի կրծքամիս