Ոչխարի միսը ջեռոցում պատրաստելու համար հարմար է ազդրի միսը, կամ հաստ շերտով փափուկ միսը: Միսը պետք է մարինացվի առնվազն 12 ժամ, որպեսզի դառնա փափուկ և հյութալի: Նույնիսկ, եթե նախկինում միս չեք թխել, այս բաղադրատոմսը հաստատ ձեզ համար հաջող կլինի:
Ըստ այս բաղադրատոմսի ոչխարի միս պատրաստելու գաղտնիքն այն է, որ համեմունքների միջուկը հենց մսի վրա են քսվում: Այսպիսով, ուտեստի համն ավելի հարուստ և նուրբ է: Արժե փորձել:
Ոչխարի միսը ջեռոցում. Անհրաժեշտ բաղադրիչները
_Ոչխարի միս 1 կգ
_Հավի արգանակ 1 բաժակ
_Չոր սպիտակ գինի 0,25 բաժակ
_Ձիթապտղի յուղ 3 ճաշի գդալ
_Ծիրանի չիր 0,5 բաժակ
_Սխտոր 3 պճեղ
_Մաղադանոս 1 փունջ
_Անանուխ 0,25 բաժակ
_Խնկունի 1 թեյի գդալ
_Դիժոնի մանանեխ 1 ճաշի գդալ
_Աղ 0,75 թեյի գդալ
_Սև պղպեղ (աղացած) 0,25 թեյի գդալ
_Ջուր 0,25 բաժակ
Ոչխարի միսը ջեռոցում. Պատրաստման եղանակը
_0,25 բաժակ եռացող ջրի մեջ լցնել չոր ծիրանը: Թող մնա ներծծվելու մոտ 5 րոպե:
_Մանրացնել և խառնել սխտորը, մաղադանոսը, անանուխը, խնկունին և մանանեխը, աղը և պղպեղը: Ավելացնել ձիթապտղի յուղ, խառնել մինչև խիտ մածուկ ստացվի: Ավելացնել ծիրանի չիրը:
_Միսը չորացնել թղթե սրբիչով, հեռացնել ավելորդ յուղը, ծեծել մուրճով:
_Վերցնել համեմունքներից և չոր ծիրանով պատրաստած մածուկը, քսել այն մսի մի կողմի վրա, միսը ոլորել, կապել թելով և դնել սառնարանում ամբողջ գիշեր:
_Եփելուց առաջ միսը հանեք, թող մնա, հասնի սենյակային ջերմաստիճանի և տաքացնել ջեռոցը մինչև 170 աստիճան:
_Տեղադրել միսը խորը տապակի կամ ջեռոցի տապակի մեջ, դնել ջեռոցում 1 ժամ 30 րոպե, փաթաթել պատրաստի միսը փայլաթիթեղով, թողնել 30 րոպե հանգստանա:
_Արգանակն ու գինին լցնել տապակի մեջ, որտեղ թխել են միսը, կրակի վրա դնել և եռացնել:
_Այսպես կստանանք սոուս, որը կարելի է լցնել մսի վրա մատուցելուց առաջ:
Այժմ դուք գիտեք, թե ինչպես պատրաստել ոչխարի միս:
Ոչխարի միսը ջեռոցում պատրաստ է:
Բարի ախորժակ
Տեսանյութ
Տավարի մսով բուժենինա
