Ոսպով ապուր. Հին ժամանակներից այս ապուրը օգտագործվել է որպես դեղամիջոց, իսկ այսօր արդեն ապացուցվել է, որ ոսպը պարունակում է ավելի շատ սպիտակուցներ, քան միսը:
Համեղ և հագեցնող ոսպով ապուրը մսով և կարտոֆիլով մեր հարուստ և հնարամիտ խոհանոցի հայտնի ճաշատեսակներից է:
Ոսպով ապուր.Անհրաժեշտ բաղադրիչները
_Տավարի միս (կամ այլ միս) — 600 գ
_Կարմիր ոսպ — 250 գ
_Կարտոֆիլ — 300 գ
_Սոխ — 230 գ
_Թարմ լոլիկ — 200 գր
_Գազար — 110 գ
_Սխտոր — 3 պճեղ
_Թարմ չիլի պղպեղ — 2 հատ
_Դափնու տերև — 2 հատ
_Տոմատի մածուկ — 1 ճաշի գդալ
_Բուսական յուղ — 2 ճաշի գդալ
_Քրքում — 1/2 թեյի գդալ
_Աղացած սև պղպեղ — 1/2 թեյի գդալ
_Աղ՝ ըստ ճաշակի
_Համեմ՝ ըստ ճաշակի
_Մաղադանոս ՝ ըստ ճաշակի
_Ջուր — 2,5 լ
Ոսպով ապուր. Պատրաստման եղանակը
_Միսը լավ լվանալ, լցնել կաթսայի մեջ և սառը ջուր ավելացնել:
_Դնել կրակին, ջուրը եռալուց հետո , հեռացնել քափը, կրակը նվազեցնել և 1 ժամ եփել մարմանդ կրակի վրա:
_Մաքրել սոխը և սխտորը: Մանր կտրատել սոխը: Սխտորը քերել մանր քերիչի վրա կամ ճզմել մամլիչի միջոցով:
_Մաքրել գազարը և կտրել փոքր խորանարդներով: Կտրել լոլիկը գազարի պես:
_Կարտոֆիլը մաքրել և կտրել փոքր խորանարդներով:
_Ոսպը լվանալ սառը ջրով:
_Բուսայուղով թավան դնել միջին կրակի վրա: Տապակել սոխը 2 րոպե: Սոխին ավելացնել մանրացված սխտոր և տապակել ևս 1 րոպե:
_Սոխին և սխտորին ավելացնել գազար և տապակել 2 րոպե:
_Ավելացնել լոլիկն ու շարունակել տապակել ևս 2 րոպե:
_Թավայի մեջ ավելացնել տոմատի մածուկ, աղ, քրքում և պղպեղ: Ծածկել տապակը կափարիչով և եփել բանջարեղենը ցածր կրակի վրա 5 րոպե:
_Եփած միսը հանել կաթսայից, կտրել փոքր կտորներով Կաթսայի մեջ ավելացնել կարտոֆիլը, ոսպը և աղացած միսը: 10 րոպե եփել մսով և կարտոֆիլով ոսպով ապուր:
_Տապակած բանջարեղենն ավելացնել կաթսայի մեջ:
_Ավելացնել նաև դափնու տերևները և չիլի պղպեղները: Աղ անել ըստ ճաշակի,և եփել ևս 5 րոպե:
Մատուցելուց առաջ ապուրի վրա լցնել մանր կտրատած թարմ կանաչիներ:
Ոսպով ապուրը պատրաստ է: Հուսով եմ ՝ կվայելեք այն:
Բարի ախորժակ:
Տեսանյութ
Դդմապուր