Չիզբուրգեր կարկանդակ. Սա արագ սնունդ չէ, պատրաստեք հաճույքով

Չիզբուրգեր կարկանդակ. Սա արագ սնունդ չէ, պատրաստեք հաճույքով, ու չքնաղ համը վայելեք ընթրիքին:

Մսով շատ համեղ կարկանդակ, որը կփորձեք և համը երկար ժամանակ չեք մոռանա:

Մթերքների հաճելի համադրությամբ, այս կարկանդակը շատ նման է պանրով բուրգերի: Լցոնը շատ հյութալի է, իսկ խմորը` փափուկ և քնքուշ:

Առաջին անգամ պատրաստելով այս մսով կարկանդակ, երբ մատուցեցի սեղանին, այն գրեթե միանգամից անհետացավ, բոլորը մատները հետն էին ուտում: Վստահ ենք, որ համից չեք կշտանա:

Չիզբուրգեր կարկանդակ. Անհրաժեշտ բաղադրիչներ

Խմորի համար

• 500 գ ալյուր
• 1 ձու
• 4 ճաշի գդալ բուսական յուղ
• 1 թեյի գդալ շաքար
• 2 թեյի գդալ աղ
• 250 մլ տաք ջուր
• 21 գ խմորիչ
• 2 ճաշի գդալ կաթ
• 1 ճաշի գդալ քնջութի սերմեր

Լցոնի համար.

• 500 գ աղացած տավարի միս
• 150 գ տոմատի սոուս
• 1 սոխ
• 3 թթու վարունգ
• 150 գ քերած չեդեր պանիր

Չիզբուրգեր կարկանդակ. Պատրաստման եղանակը

1. Սկզբում պատրաստել խմորը. Խառնել ալյուրը, ձուն, կարագը, շաքարը, աղը: Խմորիչը պետք է լուծել տաք ջրի մեջ և ավելացնել խմորին, ամբողջը լավ խառնել, մինչև այն դառնա համասեռ: Թող խմորը մնա հասունանա` մոտ 90 րոպե:
2. Երբ խմորը պատրաստ լինի, այն բաժանել 2 մասի. Զանգվածի 2/3-ը կլինի հիմքը, մնացած 1/3-ը` վերևի ծածկը: Այժմ խմորի մեծ մասը գրտնակել և դնել ձևամանի կաղապարի մեջ, որպեսզի խմորը ամբողջությամբ ծածկի պատերը:
3. Լցոնի համար նախ պետք է տապակել աղացած միսը և խմորի վրա լցնել ձևամանի մեջ: Այնուհետև վրան լցնել սոուսը, սոխի կտորներ և թթու վարունգ: Վերևում շաղ տալ պանիրը:
4. Մնացած խմորը բացել և վերևում կարկանդակը ծածկել: Այնուհետև խմորի վրա քսել կաթ և շաղ տալ քնջութի սերմեր:
5. Չիզբուրգերը ջեռոցում դնել 20 րոպե` 180 ° C ջերմաստիճանում:

Իհարկե, նրանք, ովքեր հետևում են իրենց կազմվածքին, չպետք է տարվեն նման սնունդով: Բայց երբեմն կարելի է ինքդ քեզ երես տալ …