Այս օրերին առաջարկում ենք պատրաստել Պահքի մակարոնեղեն բրոկոլիով:
Շատ համեղ, հեշտ պատրաստվող և առողջարար մակարոնեղենով ուտեստը՝ համակցված բրոկոլիի ծաղկաբույլերի և ձիթապտղի յուղի հետ, կարող է լինել ոչ միայն հագեցնող ու ախորժելի, այլ նաև առողջարար։
Պահքի մակարոնեղեն բրոկոլիով. Բաղադրիչներ
_Պարուրաձև մակարոնեղեն — 200 գ
_Բրոկոլի — 200 գ
_Սոխ — 40 գ
_Գազար — 20 գ
_Ձիթապտղի յուղ — 2 ճ.գ.
_Աղ և պղպեղ — ըստ ճաշակի
Պահքի մակարոնեղեն բրոկոլիով. Պատրաստման եղանակը
_ Նախապատրաստեք բանջարեղենը:
_Ավելի մեծ օգտակարության համար նպատակահարմար է ընտրել կոշտ տեսակի ցորենից մակարոնեղեն։
_Առաջին քայլն այն է, որ մակարոնեղենը եփեք ըստ տուփի վրայի հրահանգների, հատկապես, եթե եփման ժամանակը մոտ 10 րոպե է, քանի որ այս ընթացքում բանջարեղենը կարելի է հասցնել եփել։
_Զուգահեռաբար եռացնել ջուրը, մեջը լցնել բրոկոլիի ծաղկաբույլերը, եփել 3 րոպե, ոչ ավելի։ Կաղամբը քամել քամոցի մեջ։
_Տապակի մեջ տաքացնել ձիթապտղի յուղը, մեջը լցնել մանր կտրատած սոխն ու գազարը, տապակել դրանք մի քանի րոպե չափավոր ջերմության վրա։
_Թավայի մեջ ավելացնել բրոկկոլին, տաքացնել մեկ-երկու րոպե:
_Մակարոնեղենը լցնել տապակի մեջ, թեթևակի համեմել աղով և պղպեղով և խառնել:
_Եփած մակարոնեղենը բրոկոլիով բաժանել մասերի, թեթևակի ցողել ձիթապտղի յուղով և մատուցել ճաշին։
Ցանկության դեպքում կերակուրը մատուցելիս կարելի է վրան շաղ տալ թարմ կանաչիներ՝ օրինակ մաղադանոս կամ ռեհան:
Վայելե՛ք։
Տեսանյութ
Սպագետտի բոլոնեզ սոուսով
