Պահքի նրբաբլիթներ պատրաստեք ու հանգիստ եղեք, որ ծոմը չեք խախտում: Դա իհարկե շատ լավ է, քանի որ այս նրբաբլիթները երկու անգամ ավելի շատ կցանկանաք ուտել. դրանք այնքան նուրբ են և համեղ:
Ամենակարևորն այն է, որ այս համեղ նրբաբլիթները պասային են. խմորի մեջ կաթ կամ ձու չկա: Իսկ կարտոֆիլ ավելացնելու դեպքում ուտեստը հարստացնում է ավելի հագեցնող, հաճելի նոտաներով:
2016 թվականի փետրվարին բրիտանական Ռաֆֆորդ քաղաքում կառուցվել է նրբաբլիթներով ամենաբարձր աշտարակը. 213 նրբաբլիթից 101,8 սմ բարձրությամբ: Ռեկորդը լրջորեն գերազանցել է Նիդեռլանդներում 2014 թվականի հոկտեմբերին սահմանած նախորդինը՝ 91,2 սմ: Մենք ռեկորդներ սահմանելու կոչ չենք անում, բայց վստահաբար կարող ենք ասել՝ այս բաղադրատոմսով նրբաբլիթի աշտարակը տպավորիչ բարձրություն կունենա։
Պահքի նրբաբլիթներ. Բաղադրիչներ
Ցորենի ալյուր 2 բաժակ
Գազավորված ջուր 500–600 մլ
Շաքարավազ 1 ճաշի գդալ
Աղ 1 թեյի գդալ
Սոդա 1 պտղունց
Արևածաղկի ձեթ 4 ճաշի գդալ
Կարտոֆիլ 2 հատ
Կանաչ սոխ 0,5 փունջ
Պահքի նրբաբլիթներ. Պատրաստման եղանակը
_Կարտոֆիլը եփել կեղևով, սառեցնել, կեղևահան անել:
_Խմորի համար ալյուրը խառնում ենք աղի, շաքարավազի և սոդայի հետ։ Լցնել գազավորված ջուրը և 3 ճաշի գդալ արևածաղկի ձեթ:
_Խառնել մինչև հարթ լինի և թողնել կես ժամ։
_Կարտոֆիլը մանր խորանարդիկներով կտրատել, սոխը մանր կտրատել, թեթև աղ անել ըստ ճաշակի, խառնել։
_Տաքացնել յուղած տապակը։ Խմորի մի մասը լցնել, տարածել վրան։
_ Վրան ցանել մի քիչ կարտոֆիլ և սոխ:
_Երբ ներքևի մասը թխվի և կարմրի, շրջեք նրբաբլիթը:
_Պատրաստի նրբաբլիթները դրեք կափարիչով ծածկվող ամանի մեջ՝ իրար վրա:
Մենք ուրախ կլինենք, եթե բաղադրատոմսը կիսեք ձեր ընկերների հետ:
Բարի ախորժակ:
Տեսանյութ
Ավանդական նրբաբլիթներ
