Պանրի միջուկով սմբուկ. Ամառ հիշեցնող համ
Մեզանից շատերն անհամբեր սպասում են ամռանը, որ կրկին վայելենք մեր սիրած բանջարեղենները` դդմիկ, լոլիկ, վարունգ և սմբուկ: Վերջինիս կանդրադառնանք այսօր:
Սուպերմարկետներում դրանք կարելի է գնել ամբողջ տարվա ընթացքում, բայց ջերմոցային սմբուկն իհարկե զիջում է արևի տակ աճածին: Ուստի խորհուրդ ենք տալիս ավելի հաճախ եփել սեզոնի ընթացքում, և անպայման պահածոյացնել կամ պահել ձմռան համար:
Մենք առաջարկում ենք ձեզ ուշադրություն դարձնել սմբուկով այս նախուտեստի բաղադրատոմսին: Ձեզ այն դուր կգա:
Մի փոքր հուշում. Ամենահամեղն ու առողջը երիտասարդ սմբուկներն են՝ մուգ կապույտ, համարյա սև գույնի, փոքր, փայլուն և երկարավուն:
Պանրի միջուկով սմբուկ. Անհրաժեշտ բաղադրիչները
- Սմբուկ 1 հատ
- Պանիր 1 հատ
- Ձու 1 հատ
- Սխտոր 5 պճեղ
- Ռեհան 50 գ
- Արևածաղկի ձեթ 2 ճաշի գդալ
- Սև պղպեղ (աղացած)` ըստ ճաշակի
- Աղ` ըստ ճաշակի
Պանրի միջուկով սմբուկ. Պատրաստման եղանակը
- Կտրել սմբուկը հավասար կտորներով: Յուրաքանչյուրի հաստությունը մոտ 4 սանտիմետր:
- Կտրել միջուկը դանակով: Տապակել երիտասարդ սմբուկները երկու կողմերից մի փոքր բուսական յուղի մեջ, մինչև ոսկեգույն դառնա:
- Առանձին ամանի մեջ խառնել քերած պանիրը, ձուն և ռեհանը:
- Համեմել աղով և պղպեղով: Ավելացնել աղացած սխտոր:
- Լցնել միջուկը սմբուկի շրջանակների մեջ: Թավայի մեջ տապակել դրանք երկու կողմերից՝ 3 րոպե:
- Դրանից հետո անջատել կրակը: Ծածկել կափարիչով և թողնել սմբուկը մի քանի րոպե մնա:
- Դնել պատրաստված շրջանակները թղթե անձեռոցիկների վրա` ավելորդ ճարպը կլանելու համար:
Մատուցել սմբուկով նախուտեստը տաք վիճակում: Ցանկության դեպքում կարող եք զարդարել թթվասերով կամ մայոնեզով, ինչպես նաև ձեր նախընտրած կանաչիներով:
Պանրի միջուկով սմբուկը պատրաստ է:
Բարի ախորժակ:
Տեսանյութ
Սմբուկով ուտեստ 2 րոպեում
