Պանրով բլիթներ. Խաչապուրիի և պիցցայի հետ համատեղ սա նույնպես կարելի է համարել դասական ու հագեցնող ուտեստ

Մենք ցույց կտանք փարթամ Պանրով բլիթներ պատրաստելու եղանակներից մեկը։

Պանրով խմորեղենը մարդիկ առանձնահատուկ կերպով են սիրում։ Շատ մարդիկ են սիրում են պանիր: Այս մթերքն այնքան ամուր է մտել մեր սննդակարգ, որ այժմ անհնար է պատկերացնել ուտեստների մեծ մասն առանց պանրի։

Ֆերմենտացված կաթնամթերքի պատմությունը սկսվում է 7000 տարի առաջ։ Պատկերացրեք միայն, որ պանիր ժամանակին կերել են նաև եգիպտական ​​փարավոնները: Բայց այն ժամանակ դա հարուստներին էր հասու, իսկ այժմ այս կաթնամթերքը կարելի է գնել ցանկացած խանութում:

Պանրով բլիթներ. Բաղադրությունը

_ալյուր — 1 կգ

_թթվասեր — 5 ճաշի գդալ

_կաթ — 250 մլ

_պանիր — 100 գ

_բուսական յուղ — 70 մլ

_խմորիչ — 1 թեյի գդալ

_ջուր — 250 մլ

_շաքարավազ — 2 ճաշի գդալ

_աղ — կես թեյի գդալ

Պանրով բլիթներ. Պատրաստման եղանակը

_Կաթը և բուսայուղը լցնել տաք ջրի մեջ, լցնել շաքարավազն ու խմորիչը, խառնել մինչև շաքարահատիկները լուծվեն։

_Հեղուկի մեջ մաղել 250 գրամ ալյուր, խառնել ընդհանուր զանգվածի հետ և թողնել 10 րոպե կափարիչի տակ։

_Թթխմորի վրա լցնել աղը, մնացած ալյուրը, հունցել խմորը։ Խմորը թաղանթի տակ թողնել կես ժամ տաք տեղում։

_Պանիրը մանրացնել քերիչի միջին ատամների վրա, միացնել թթվասերի հետ։

_Խմորը բաժանել 7 միանման գնդիկներ, դրանք տեղափոխել յուղաթղթով ծածկված ջեռոցի տապակի վրա և ձեռքերով բացել բլիթներ։

_Յուրաքանչյուր բլիթի վրա դնել պանրի միջուկ, հավասար տարածել մակերեսի վրա:

_Թխել բլիթները 180 աստիճան տաքացրած ջեռոցում 25 րոպե։

Խորհուրդ ենք տալիս պանրային միջուկին ավելացնել ձեր սիրելի կանաչիները, դրանք թխվածքին հավելյալ համ և բույր կհաղորդեն:

Բարի ախորժակ:

Տեսանյութ

Խաչապուրի