Պատրաստենք պրովանսյան համեմունքներով, թարմ կանաչիներով և Պանրով ձվածեղ:
Նման փարթամ ու հյութեղ, փափուկ ուտեստ դուք կպատրաստեք շատ պարզ և արագ, իսկ արդյունքը հաճելիորեն կզարմացնի ձեզ։
Պանրով ձվածեղ. Անհրաժեշտ բաղադրիչները
_Ձու 6 հատ
_Կաթ 300 մլ
_Աղ, պղպեղ, պրովանսյան համեմունքներ՝ ըստ ճաշակի
_Թարմ կանաչիներ և կանաչ սոխ՝ ըստ ճաշակի
_Չեդդեր կամ կոշտ պանիր 50 գր
_Քաղցր պղպեղի կեսը
_Կարագ՝ տապակին քսելու համար
Պանրով ձվածեղ. Պատրաստման եղանակը
_Ձվերը խառնել աղի, պղպեղի և պրովանսյան համեմունքների հետ, հարել զանգվածը, մինչև հարթվի:
_Ավելացնել սենյակային ջերմաստիճանի կաթը և հարել, մինչև համասեռ դառնա։
_Քերել պանիրը խոշոր քերիչով և լցնել ձվի զանգվածի մեջ, խառնել։
_Քաղցր պղպեղը կտրատել փոքր խորանարդներով:
_Կանաչ սոխն ու թարմ կանաչիները նույնպես մանր կտրատել և լցնել ձվի զանգվածի մեջ։
_Բարձր կողքերով թխելու համար նախատեսված տապակին լավ քսել մի կտոր կարագ՝ ներքևում և կողքերին և լցնել զանգվածը։
_Թխել 200 աստիճան ջերմաստիճանում մոտ 20 րոպե։
_Մատուցելուց առաջ ափսեն տաքացնել։
_Այդպես ձվածեղը երբեք չի նստի և երկար ժամանակ կմնա բարձր ու փարթամ։
Համեղ և արագ նախաճաշ, խորտիկ կամ կողմնակի ուտեստ լանչի համար: Ամեն ինչ պարզ է, բայց շատ ախորժելի։
Մատուցելիս կարելի է նաև վրան թարմ կանաչիներ և պղպեղի խառնուրդ ցանել։
Բարի ախորժակ:
Տեսանյութ
Համեղ նախաճաշ
