Պանրով ռուլետ աղացած մսով: Դուք հավանաբար փորձել եք հավելումներ ավելացնել ձվածեղ պատրաստելիս: Մեր կարծիքով լավագույնը հարած ձվերի և կոշտ պանրի համադրությունն է: Իսկ եթե ջեռոցում թխեք աղացած միսով պանրով ռուլետ` կունենաք հիանալի և տոնական գեղեցիկ նախուտեստ:
Վերցրեք թարմ աղացած միս հյութալի բանջարեղենով՝ որպես լցոն: Համեմունքների նվազագույն քանակ՝ միայն բնական համեր:
Այս ռուլետը ստացվում է այնքան քնքուշ, որ գործնականում անհրաժեշտ չէ ծամել: Այդ իսկ պատճառով այն առաջինն է անհետանում ափսեներից: Այնպես որ, շտապեք, հակառակ դեպքում կարող եք մնալ առանց ընթրիքի:
Պանրով ռուլետ աղացած մսով. Բաղադրությունը
_Ձու 5 հատ
_Կոշտ պանիր 400 գ
_Մածուն 100 գ
_Աղացած տավարի միս 250 գ
_Աղացած խոզի միս 250 գ
_Չորահաց 3 ճաշի գդալ
_Լոլիկ 1 հատ
_Բուլղարական պղպեղ 1 հատ
_Աղ 1 թեյի գդալ
_Սև պղպեղ 0.5 թեյի գդալ
Պանրով ռուլետ աղացած մսով. Պատրաստման եղանակը
_4 ձուն խառնել մածունի հետ: Ավելացնել քերած պանիր: Ընտրեք ավելի դեղին կոշտ պանրի սորտեր: Խառնել մանրակրկտորեն:
_Խառնուրդը լցնել 23×33 սմ երկարությամբ յուղաթղթի վրա, հարթեցնել և թխել ջեռոցում 180 աստիճանի տակ մոտ 20 րոպե:
_Կտրատել լոլիկը և կարմիր ու դեղին պղպեղի կեսերը: Խառնել աղացած մսի, ձվի, չորահացի փշրանքների, աղի և պղպեղի հետ:
_Թխված շերտից պոկել թուղթը և դրա վրա հավասարաչափ տարածել լցոնը՝ թողնելով երկար ծայրերից մեկի երկայնքով մոտ 1,5 սմ ազատ տարածք:
_Ոլորել ռուլետը և փաթաթել յուղաթղթի մեջ: Տեղադրել կրկին ջեռոցում և թխել 40 րոպե: Մատուցելուց առաջ կտրատել շերտերով:
Պանրով ռուլետը ցանկացած ձևով լցոնելով հիանալի է ստացվում: Այն կարող է մատուցվել որպես ինքնուրույն ուտեստ թեթև սոուսով և որպես նախուտեստ: Մի սպասեք հարմար առիթի, հենց այսօր պատրաստեք:
Պանրով ռուլետն աղացած մսով պատրաստ է:
Բարի ախորժակ:
