Պելմենիներ. Յուրահատուկ բաղադրատոմսով համեղ ուտեստ

Խոհարարական ֆորումներում բազմաթիվ օրինակներով փորձում են պարզել, թե ինչպիսինն են իդեալական պելմենիները:

Արդյո՞ք դա անհրաժեշտ է անել միայն ալյուրով և ջրով, արժե՞ ձու ավելացնել, և առավել ևս՝ կաթ կամ մածուն։ Եթե խմորը հունցեք մածունով, ստացվում է շատ նուրբ և առաձգական:

Մեր կարծիքով, այս տարբերակը նույնպես իդեալական է ստացվում։

Պելմենիներ. Անհրաժեշտ բաղադրիչները

Լցոնի համար

_Տավարի յուղոտ  միս 300 գր

_Թարմ սունկ 200 գր

_Մի բուռ չորացրած սունկ

_Սոխ մեծ 1 հատ

_Բուսական յուղ 2 ճաշի գդալ

_Աղ՝ ըստ ճաշակի

_Աղացած սև պղպեղ

Խմորի համար

_Ալյուր 2,5 բաժակ

_Ձու 2 հատ

_Մածուն 0,5 բաժակ

_Աղ 1/4 թ/գդ

Պելմենիներ. Պատրաստման եղանակը

_Չորացրած սնկերի վրա լցնել եռման ջուր և թողնել առնվազն 1 ժամ։ Չոր սունկ չլինելու դեպքում կարելի է թարմը մի քիչ ավելացնել:

_Մի մեծ ամանի մեջ խառնել ձվերը մածունի և աղի հետ, մաղել ալյուրը և հունցել խմոր։

_Տեղափոխել սեղանի վրա և ձեռքերով լավ հունցել։

_Խմորը գնդել և թողնել 30 րոպե՝ խմորն ամանով ծածկել:

_Չորացրած սունկը եփել մինչև փափկի, ապա մանր կտրատել, արգանակը պահեք, չթափեք:

_Թարմ սունկը մանր կտրատել։

_Մաքրել և մանր կտրատել սոխը, տապակի մեջ տաքացնել ձեթը, ավելացնել սոխը և տապակել՝ երբեմն խառնելով, մինչև ոսկե դարչնագույնը:

_Տեղափոխել ափսեի մեջ, նույն թավայի մեջ տապակել սունկը, մի քիչ աղ ավելացնել, չորացրած սունկն ու սոխը ավելացնել և միասին եփել 3-4 րոպե։

_Վերցնել կրակից և թողնել մի փոքր սառչի:

_Տավարի միսն աղալ մսաղացով, ավելացնել սունկը, աղը, պղպեղը և ավելացնել մի քիչ սնկի արգանակ, լավ խառնել:

_Խմորը բարակ շերտով գրտնակել ալյուր ցանած սեղանի վրա։ Բաժակի օգնությամբ կտրել 5 սմ շրջանակներ, միջուկը դնել խմորի վրա և ամրացնել պելմենիների եզրերը։

_Պելմենին եփել աղ արած, եռման ջրի մեջ, 5 րոպե։

Պատրաստի պելմենիները մատուցել թթվասերով։

Բարի ախորժակ:

Տեսանյութ

Համեղ Պելմենի հեշտ տարբերակով